ئەمرۆ ئەوەی كە لە كۆنگرەی( ك ن ك دا) بینیم موزایدەیەكی ئاشكرا بوو بۆ ئەوەی هەر یەكەو لە رێگەی خۆیەوە بە پێشمەرگەوە دەیكرد ئەوەی كە لە لای من زۆر سەیر بوو سەعدی پیرە بە رۆژی رووناك لە پێش چاوی هەمووان درۆیەكی زۆر گەورەی كرد من بیرم لەوە دەكردەوە تۆ بلێی ئەمرۆ یەكی نیسان بیت؟ چوون ئەمرۆش یەكی مانگ بوو بەڵام یەكی نیسان نەبوو. وابزانم سەعدی پیرە لێی تێك چوو بوو یان وەك پیشەییی هەمیشەییی خۆیان موزایدەیان دەكرد ئەگەر هاتوو سەرۆكی پێشووی پارڵمانیش ئەو قسەی كردبوایە زۆر سەرم سور نەدەماچوون خۆیان و بزوتنەوەكەیان لە سەر ئەو بناغەیەدا دامەزراوە. ئەوجارەیان سەعدی پیرە لەلایەك و سەرۆكی پێشووی پارلمان لە لایەكی ترەوە بە جۆرێك باسیان لە ناردنی پێشمەرگە و چەك بۆ كۆبانیی دەكرد وەكوو ئەوەی كە لە بیریان چوبیت ئەوە جاری یەكەم نییە كە پارتی و بارزانی لە دەرەوەی سنوورەكانی خۆی هاوكاری پارچەكانی تری رۆژ هەڵات دەكات لە هاوكاری كردنی شێخ مەحموود لە سلیمانی بگرە تاوەكوو ناردنی هێز لە لایەن بارزانی لە ساڵ1923 كە بەرەوە سنوورەكانی سوریا و توركیا بەرێ كەوت ودوایین جاریش لە ساڵی 1946 وەكوو باسكی بە هێزی كۆماری كوردستان لە مهاباد بوو
ئەگەر هاتوو هەمان ئەو دیپڵۆماسییەی سەرۆك بارزانی و رۆڵی لە پرۆسەی ئاشتی توركیا نەبوایە بە هیچ شێوەیەك ئەو مەجالەی بە پێشمەرگە نەدەدا بۆ ئەوەی كە هاوكاری بە كوردانی رۆژئاوا بگات ئاخۆ ئەگەر بە شێوەیەكی مەنتقیانەش سەیری ئەو پرۆسەیە بكەین ئاخۆ چۆن دەولەتی توركیە وەكوو ئەوەی كە گۆران و یەكیەتی باسی لێوەدەكەن ئەو دەرفەتە بەو دوو حیزبە دەدات چوون بە و سیاسەتە سقەتەی كە ئەو دوو حیزبە لە كاتی هەڵبژاردنەكانی توركیا دا پەیرەویان كرد، چوون ئەو جۆرە كردار و هەڵسوكەوتانەی دوحیزبەكەی هاوپیمان بە ناردنی چەند ئەندام پارلمان و مەكتەب سیاسی،جیا لەوەی كە جۆرێك لە موزایدەی سیاسی بوو لە هەمان كاتدا دژایەتی كردنێكی جاهیلانەی توركیا بوو، هیچی تر نەبوو، بەڵام لێییان ناگیرێت سەرەرای ئەوەی كە نەیان توانی ئامانجەكەیان لە 27ی مانگ بپێكن ئەوجارە گۆرەپانەكەیان بە بەتاڵی بینیوە و هەرچی ووتایانە كەس نەبووە كە بەرپەرچییان بداتەوە.
سەنار شێرۆكی
