ھەولێر و تۆمارکرنا گولا زێرین لسەر بەغدا
سامان عومەر
دەمەکە باشووری کوردستانێ درەوشەک ناجیگیرا: سیاسی،لەشکەری،ئابۆری،ئاسایشی،کۆمەلایەتی دا دەرباز دبت،دگەل بلندبوونا ئاستێ گەف و مەترسێن ئاسایشی:تیرۆر،سیخوری،بێ کار،ھەژاری،کوچبەری،ئاوارەبوون،ئاڤ،تاوانێن رێکخستی،سپیکرنا پارەیی ،گەندەلی ب ئاستێن جۆدا جۆدا،دیسان کاریگەریا بەلانسێن ھێزێ ویاریاناوچەیی و ھەرێمی و جیھانی ب مەزنە بەرژەوەندێن :جیوپولوتیک،جیوستراتیژیک ئەوادناڤبەرا مەزن دەولەتان دھێتکرن ل ناوچێ ،بەرامبەر ئەڤێ ھەموویی شۆرەشا باشوور چاڤەرێ دکەت دەولەتا خوە رابگەھینت .
بەلێ چوونا (بارزانی) بۆ (بەغدا) یاریەک ئاگرینە لدەمەکی سۆپەر ئاکرین دا:سیاسی،لەشکەی،ئابۆری،کۆمەلایەتی لسەر ئاستێ:ناوچەیی، ھەرێمی،ناڤدەولەتی،دیسان ھەرچی مافێن باشوور:کارگیری،ئابۆری،لەشکەری،ئاسایشی،ئەوێن ددستوورێ عیراقێ دا سالا (٢٠٠٥) دا ھاتینە بجھککرن نەگەھشتینە قۆناغا جێبجێکرنێ،ددەمەکێ دا چەندین کابینە ھاتینە پێکھینان ل (بەغدا) ھەموویان وەک پێدڤی خزمەتا باشوور نەکرینە ،ھەر ئەو مافێن دەستووری ویاسایی نووکە بووینە ژێدەرێن مەزنترین کێشە ئارێشەێن دناڤبەرا (ھەولێر) و (بەغدا) ، کو لایەنێ دوماھیێ لبەر ناھێت ونەئامادە و نابن بەشەک ژ چارەسەریێ لدوماھیێ مافێن کوردان بدەنێ .
ئێدی ئەڤرۆیا باشوور دخوازت ب سەرکەفتیانە ببت خوەدان ئاسایشێن :سیاسی،ئابۆری،لەشکەری،ئاسایشی،کۆمەلایەتی،دگەل رەھەندێن وان ،ھێز وشیان بۆ ژناڤبرنا گەف ومەترسێن ئاسایشی ناڤخوە ودەرڤەو جیھانی،دیپلۆماسیەت،پلانا بەرەڤانیکرنا ئاسایشی،ب رەنگەکێ ئەڤە ھەموو گرەنتیێ بکن بریارا چارەنڤیس ئەوا چاڤەرێ دکەت لدەمەک نێزیک بھێت راگەھاندن ژلایێ شۆرەشا باشوور لدەمەکێ مەزنە وەلاتێن جیھانی دگەل بن و گرین لایتێ بدن دۆماھیک بھێت ب دەولەتبوونێ .
چوونا (بارزانی) ددەمێ گونجایی خوەدایە،ئەو خال و رەھەندێن چاڤەرێ دھێتکرن کومبوون لسەر بھێتکرن:سیاسی وکارگیری:عیراق پشتی داعش،پشکداریا سونە وکوردان دحکومەتێ دا،بەندا ١٤٠ ژ دەستووری عیراقێ،نوینەراتیا کوردان ژ دەرڤە عیراقێ،مافێ چارەنڤیس مافەک جێگیر ئامادە بۆ راگەھاندنێ ھەموو دەمەکێ ،پشتی دەولەتبوونێ دوو جیرانێن ھاریکار بۆ پاراستنا ئێک و دوو و نەبن گەف بۆ سەر یەک،لەشکەری:رزگارکرنا (مویسل) پرچەککرنا پێشمەرگەھی،ترسا گرۆپ ولایەنێن دەرڤە رێکخستیا لەشکەرێ ناڤەندی،ئاسایشی:ھەماھنگیا ئاسایشی ،کەسان و خێزانین تیروری و داعش ،ئابۆر:بودجا ھەرێمێ ،ھناردەکرنا گازێ ،کۆمەلایەتی :رەوشا پێکھاتە و مافێن وان ، قەرەبوویا وان ، یاسایی :داخوازکرین دادگەھێ .
ب ھیڤیا ھندێ دئەڤێ یاریا ئاگرین دا ھەرێم ب سەرکەڤیت بشێت مەزنترین گولان تۆماربکت،ب ئەڤان گولان،ب دەستڤەئینانا ئەڤان مافێن دەستووری و یاسایی ستوون و رەھندێن ئاسایشا خوە جێگیر و گەشە بکەت، لسەر ئاستێ ناوچێ و ھەرێمایەتی و ناڤدەولەتی و جیھانێ ب سەرکەفتیانە یاریا سیاسی بکت ب مەزنترین مفا و بەرژەوەندا بۆ ھندێ ئاسایشا خوە یا نەتەوەیی ھەمیشە گەشەکە بکت ب تۆمارکرنا گولا زێرین لسەر بەغدا و ھەموو دوژمنێن خوە ئەوژی دەولەتبوون .
