ئەوەی لە ئێستادا لە گۆرٍەپانی سیاسی هەرێمی كوردستان دەگوزەرێت ، بریتیە لەوەی كە هەندێ لایەنی نێو خۆیی وبە پشیتوانی ناجەزانی ئیقلیمی بە هۆی ئەوەی چاویان بە سەركەوتنەكانی گەلی كوردستان لە رووی سەربازی و سیاسی هەڵنایەت و هیچ شانازییەكیان پێنابڕێت بە تایبەت لە مەرٍ پرسی سەربەخۆیی كوردستان ،ئەوا لە لایەك ترسی سەربەخۆیی ودەوڵەتی كوردستان و لە لایەكی تر كە هەگبەیان بەتاڵە لە خزمەتكردنی پێشمەرگە و گەلی كوردستان ئەوا كاری ئاژاوەگێریو ناسەقامگیری و بێ‌ هیوایی جێبەجێی دەكەن . هەندێ لایەنی‮ ‬كوردستانی‮ ‬لەو باوەڕەدا بن كەوا پارتی‮ ‬لە دەرەوەی‮ ‬سنووری‮ ‬كوردستان پەراوێز بخرێت سوودی‮ ‬ئەوانی‮ ‬تێدایە،‮ ‬ئەوا بەهەڵە تێگەیشتوون،‮ ‬وا دیارە تا ئێستا لە سیاسەت نەگەیشتوون،‮ ‬چونكە پارتی‮ ‬هیچ لایەنێك و هێزێكی‮ ‬كوردستانی‮ ‬یاخود عێراقی‮ ‬یا ئیقلیمی‮ ‬ناتوانێت پەراوێزی‮ ‬بخات،‮ ‬پارتی‮ ‬پێگەیەكی‮ ‬وای‮ ‬نییە لە ناوچەكە كەوا بەئاسانی‮ ‬بێتە لەرزین و پەراوێزخستنی‮ ‬ساتێك حزبێك ئەوا‮ ‬70 ساڵە رەگ و ریشەی‮ ‬لە ناو جەماوەرێكی‮ ‬زۆر و پانتایەكی‮ ‬فراوان چەسپاوەو بەردەوام بوون لە خەباتی‮ ‬نەپساوی‮ ‬بۆ گەیاندنی‮ ‬كوردستانیان بە ماف و ئاواتە نەتەوەییەكانیان،‮ ‬كە ئەمەش دەگەڕێتەوە بۆ ئەو قوتابخانە و رێبازە پیرۆزەی‮ ‬بارزانیی‮ ‬نەمر و هەوڵە نەتەوەییە چەسپاوەكانی‮ ‬جەنابی‮ ‬سەرۆك بارزانی‮ ‬و خەباتی‮ ‬زیاتری‮ ‬لە نیو سەدە و سەركردایەتیكردنی‮ ‬پرۆژەی‮ ‬نەتەوەیی‮ ‬و سازش نەكردن لەسەر مافە رەواكانی‮ ‬گەلی‮ ‬كوردستان،‮ ‬و سووربوونی‮ ‬سەركرادیەتی‮ ‬پارتی‮ ‬لە جێبەجێكردنی‮ ‬ئەرگە مێژوویەكەی‮ ‬و گەیاندنی‮ ‬میللەت بۆ كەناری‮ ‬ئارامی‮ ‬و سەربەخۆیی‮ ‬و گیانبەخشی‮ ‬و فیداكاری‮ ‬پێشمەرگە قارەمانەكانی‮ ‬بۆ پاراستنی‮ ‬خاكی‮ پیرۆزی ‬كوردستان‮. ‬

لە كاتێكدا روحی بەرزی فری شەهیدانمان لەسەر خاكی پیرۆزی كوردستان چاوەروانن ، خانەوادەی ئەنفال و كیمیاباران و زیندانەكان تەنیا سەربەخۆیی و سەرفرازی ئارامیییان پێدەبەخشێت و ئارٍامییان پێدەبەخشێت و لە چاوەروانی موژەی سەركەوتنە ،ئەوا ناحەزانی كورد ئەوانەی حەز بە كۆیڵەبوون و ژێر دەستی خزمەتی بێگانە دەكەن ، هەوڵی بەڵارێدابردنی ئەو كاروانە مێژووییە دەدەن . ئەو لایەنانە بە ناو كورد .لە بری ئەوەی پشتیوانی سەرۆك بارزانی بن و هەموو بە یەكدەست و یەكدەنگ كار بكەن بۆ سەربەخۆیی كوردستان، بە پێچەوانەوە بە شێوەیەكی سیستەماتیك و بەرنامە بۆ دارێژراو كار دەكەن بۆ ئەوەی ئەم پرسە بەجێ نەگات بە راستەوخۆ و ناراستەوخۆ دژایەتی ئەم پرۆسەیە دەكەن و لە هەوڵی هاندانی جەماوەرن بۆ رەتكردنەوەی سەربەخۆیی بە پاساوی نائامادەیی دۆخی ناوخۆیی و نەبونی زەمینەی دەرەكی و لە بیر بردنەوەی ئەم كێشە گەورەیە، كە گەورەترین كێشەی كوردە وەك گەورەترین نەتەوەی بێ دەوڵەت و بەستنەوەی دۆزێكی وەها گرنگ بە هەندێك قەیران و گرفتی كاتی، كە دەتوانین بڵێین سەرچاوەی هەموو ئەو كێشانەی، كە دەكرێن بە پاساو بۆ دواخستنی پرسی سەربەخۆیی، دەگەرێتەوە بۆ بێ دەوڵەتی و ژێردەستەیی دەوڵەتێكی نادیموكرات و خاوەن شوناسی نەتەوەیی عەرەبی، كە هیچ بنەمایەكی پێكەوە ژیانی تێدانییەو پرە لە ئاڵۆزی و توندرەوی، بۆیە مانەوە لە ناو دەوڵەتێكی لەم شێوەیە كێشە و قەیرانەكان زیاتر دەكات و ئاسۆیەكی چارەسەری لێ بەدی ناكرێت، بە پێچەوانەوە لە هەبونی دەوڵەتێكی سەربەخۆی چارەسەر كردنی كێشە و قەیرانەكان ئاسانتر دەبن.

ناحەزانی‮ ‬نەتەوەی‮ ‬كورد نەبنە وتەبێژی‮ ‬هیچ لایەنێك‮ ‬بە خەمخۆری‮ ‬لە ئاستی‮ ‬خزمەتكردنی‮ ‬نەتەوە و نیشتیمان بن‮ . ‬هەوڵ بدەن سەرۆكی‮ ‬نەتەوەی‮ ‬كورد‮ هێژا "مسعود بارزانی ‬ئەندازیارەی‮ ‬جاردانی‮ ‬دەوڵەتی‮ ‬كوردستان پشتیان پێ ببەستی‮ ‬و بە‮ ‬یەكێتی‮ ‬هەستی‮ ‬نوێ و‮ ‬یەكبوون و‮ ‬یەكڕیزی‮ ‬و دڵسۆزی‮ ‬و خۆشەویستی‮ ‬كوردستانیان پشت ئەستوور بێ بە ناوی‮ ‬نەتەوەی‮ ‬كورد جاڕدانی‮ ‬دەوڵەتی‮ ‬كوردستان ئاشكرا بكات و بۆ ئەوەی‮ ‬گەلی‮ ‬كوردستان بێتە‮ ‬ڕێزی‮ ‬هەموو گەلان‮ . ‬هیوادارم هەموو چین و توێژكانی‮ ‬كوردستان وەكو پارتی‮ ‬دیموكراتی‮ ‬كوردستان لە هەوڵ و تێكۆشان و بەڵێنەكانیان دوور نەكەونەوە بۆ بەرژەوەندی‮ ‬گەل و وڵات و گشت كوردستانیان‮ . ‬زۆر بە جدی‮ ‬و پڕ‮ ‬بە بڕوا و ئیمانەوە هەوڵ و كۆشش بكەن بۆ ئازادی‮ ‬دەربڕین و بیروڕای‮ ‬سیاسی‮ ‬و‮ ‬ئاینی‮ ‬لە كوردستان دەستەبەر بكەن بەو مەرجەی‮ ‬خەڵكی‮ ‬كوردستان پێشوازی‮ ‬لێ بكا و ئاسودە بن توشی‮ ‬ئاژاوە و تەنگوچەڵەمە و نەهامەتی‮ ‬نەبن‮ . ‬دوور بن لە شەڕ‮ ‬و پێكدادان و ئاڵۆزی‮ .