ئەڤە پارچەکا کاغەزێ بی بایکوتکەرەکێ خەلکێ سلێمانیێ بدەستخۆڤە گرتبی و نیشانی کامیرایێن ڕاگەھاندنێ ددا. و ل زاخۆ ژی مامۆستایەکی ھەوار دکر دێ بایکوتێ کەم چونکی ئەز پێشمەرگێ کۆڕێ خۆمە نە یێ کوردستانێ. گەلەک مخابن بۆ ڤی ئەقلیەتی. نزانم ئەڤ کەسە بەری ڤان دوو سالان ل کیڤە بین ھەما جارەکێ بتنێ ژی بێنە سەر جەھدێ و چەپلا بۆ حالێ خۆ یێ خۆش و مووچەیێ خۆ بقۆتن، و ئەڤرۆکە قافیلە قافیلە ھێدی ژ جەھدا ڤەنابن و ھێدی نزانن بچنە مالێن خۆ. ئەڤ کەسێ ئێکەم وشەیێن ژیان و کیانێ تنێ یێن لدویڤ پیتێن ئەلیفبایا ئەبجەدی ڕێزبەندی کرین و نەک لدویڤ سروشتی و سایکۆلۆژیایا مرۆڤان. ئەو ژیانێ و کیانێ دەولەتینیێ دگەل دۆھی و پێشی دوو سالان ل کوردستانێ دپیڤیتن نەک دگەل نۆکە و بایکوتکرنێ. ئەو دەمێ نۆکە یێ کۆ ئەو بایکوتێ دکەتن و دەولە سەرێ وی کاری و ئاقلێ وی پێشمەرگە ژی بێتە مال و بایکوتا جەپھەی بکەتن ھنگی نەک تنێ مە کیان نابیتن بەلکۆ ژیان ژی دێ ئاڤ و ئاڤ چیتن، و ئەو ژی ھەکەر ھەبت دێ ل چیای بیتن و خوارن ژی نەک سەمۆنێک ڕەق و نانێ ھشک و تۆرسی بیتن بەلکۆ دێ پویش و پەلەخ و چۆلی و کرم و بەق و مار و دیپشک بن. ئەو مامۆستایێ مە ژی وەسا ھزر دکەتن کە بەس وی کۆڕێ ھەی و پێشمەرگەی و کەسێ و ئەو شەھیدێن کۆڕێن خۆ ھێلاین بێخۆدان و ھێتیم و سێڤی نەکوردن و نە کوردستانینە! ئەوی مامۆستای چ زووی ژبیر کرییە وی دەولە سەرێ ڤێ کوردستانێ و شەھید و پێشمەرگەی باوەرنامێن بلند وەرگرتن و خانی و قەسر و قۆسیر ئاڤاکرن و ترۆمبێلێن باش کڕین و ... ھتد، و نۆکە ژی وەکی فارس دبێژن" خەرەش ئەز پۆل گۆزەشتێ دیگێ میخاد نارۆ بێزەنێ"! ئەڤرۆکە ھێدی منەت ب کوردستانێ نەمایە و بۆ وی ھێدی خەم نینە پشتی بایکوتێ کوردستان وەکی سوریا و یەمەن و حەلەب و دیمەش و کۆبانێ و بەخدا و میسل و شنگالێ وێران ببیتن. گرنگ ئەوە کۆڕەکێ ھەی و ئەو کۆڕێ نازدارتر ژ کۆڕێن شەھیدا یێ ژ ئاڤا کەوسەر پەیدا بووی و پێدڤی ب خوارنا پتاتۆک و مۆتایانە و ھەکەر پتاتۆک و مۆتا نەبن و ژێ ھاتنە بڕین دێ کوردستان خراب بیتن و کیانا کوردی ناھێتە دەیناندن. لەوما ئەو بایکوتکەرێ سلێمانیێ و مامۆستایێ زاخۆ ئەولەویەتا ئەڤرۆ یا کوردستانێ د ژناڤچۆنا داعشێ و تیرۆرێ و دەولەتا کوردستانێ دا نابینن دا ھێدی ئەم ئەنفال و کارەساتێن وەکی حەلەبچێ و ... ھتد، نەبینین، بەلکۆ ئەو دێ گۆھێ خۆ دەنە ھندەک دوژمن و نەیاران و داھۆلکا وان بستۆیێ خۆڤەکەن، و شوینا وان بێژن مووچێ پتاتۆک و مۆتایێن کۆڕێ من نەبڕن، و بێژن " وەی ئەم مرین ژ برسا و چارەسەر تنێ بایکوتە". ئەم دێ بەرھەمێ بایکوتا ھەوە ژی بینین و گاڤا مە پێکڤە و ل چیای و ل مەرگەە و چەلێ و لبن قەڕەسا بەفرێ ل قچیلکێن داری و بۆ ئاگری و بەقا و کرما بۆ خوارنێ دگەڕھین و چاڤێن مە پێک دکەڤن دێ بیرا تە ل بایکوتێ و ھاندەرێن وێ و تە، و مەھزەلا ئاقلێ وە ئینم. بەلێ ما ھێدی بۆچیە؟؟!!
*بسپۆری پێداگۆگی و سایکۆلۆژیایێ/ زانـــینگـــەھا زاخۆ