ئەوەی كە ئەمرۆ لە كوردستان و گۆرەپانی سیاسی روو دەدات لە دەستدانی كاتەو هیچی تر، رەنگە پرسیار ی ئەوە بێتە پێش كە هۆكاری دەستپێكردنی نوسینەكەم بۆ بەو شێوەیە بوو؟ ووڵامەكان زۆرن سەرە رای ئەوەی كە پرسیارەكان زۆرترن بە ڵام ئەوەی لە كاتی ئێستا لە هەموویان گرینگترە، ئەوەیە كە رۆژ هەڵاتی ناوەراست بارگاوی لە گۆرانكارییەكانە، ئەو گۆرانكارییانەی كە پێدەچیت بە شێوەیەكی ئەوندە خێرا بەرێوە بچن كە ئێمە لە كۆتایی ئەو كاروانەدا بمێنینەوە.
وولاتانی زڵ هێزی جیهان بۆ ئەوەی كە گرینگرترین جەمسەری هێزیان بەربكەویت لەركابەری دان ئەویش بۆ ئەوەی لەو ركابەرییانە زۆرترین بەركەوتیان هەبیت ، ئەو گۆرانكارییانە بە تایبەت لە نەخشاندنی سنوورەكان لە سوریا و لە عێراق رۆژ بەرۆژ خێراتر بەرێوە دەچن ئەویش لەبەر ئەوەی ئەو دوو وولاتە بە هۆی ناسەقامگیری لە رووی ئاسایش و باری ئابووری و مافی مرۆف تەنانەت لە رووی تائیفیشەوە دابەش بووە.
كورد هەموو كات بە هۆی بەرگری كردن لە خۆی و بە دی هێنانی مافەكانی لە سەدەی رابردوو ئەكتەرێكی بەهێز لە ناو ئەو كایە سیاسییانە بووە ، و لە كاتی ئێستاش لەشەری گەورەترین گروپی تیرۆریستی لە جیهان سەلماندی كە دەتوانیت بە تەنیا جەمسەرێك بیت و چیتر پێویستی بەوە نەبیت كە هاوپەیمانییەتی لە گەل هێزێك یان وولاتێك بكات هەر بۆیەش باشتر وایە دەرفەتەكان لە دەست نەدەین و سەربەخۆیی گەلەكەمان قوربانی ململانییی تەسكی حیزبی نەكەین و لە سەر ئەو بیرۆكەیە بەرەو یەك ئامانج هەنگاو بنێین ئەویش خەونی دێرینەی كورد، سەربەخۆییە.