نۆره‌ی ئێوه‌ش دێ
سووره مه‌رگه‌یی
ئه‌وه‌ی ئه‌مڕۆ له‌سه‌ر رووداوه‌كانی ناو ئه‌نجومه‌نی نوێنه‌رانی عێراق له هه‌ندێ په‌رله‌مانتاری كۆن و نوێی فركسیۆنێكی دیاریكراو گوێبیستی بووم ناچاری كردم بڵێم: بژی حه‌نان فه‌تلاوی، چونكه په‌رله‌مانتارانی ئه‌و فراكسیۆنه خه‌وتووه هه‌م له حه‌نان حه‌نانتر بوون و هه‌میش له فه‌تلاوی فه‌تلاویتر بوون، ئه‌گه‌ر وانییه ده‌بووایه ئه‌و فراكسیۆنه و حزبه‌كه‌ی ناردنه‌وه‌ی په‌رله‌ماتارانیان بێ چاكه‌ت له‌بیر نه‌چێ، بۆیه روو له حزبی خاوه‌ن فراكسیۆنی خه‌وتوو ده‌كه‌م و ده‌ڵێم: ده‌بێ باش بزانن كه ئه‌وه‌ی ئه‌مڕۆ به‌رامبه‌ر به وه‌زیر و په‌رله‌مانتارانی پارتی كرا دوا نیه‌ت و خواستی به‌غدایه به‌رامبه‌ر به كورد و له پارتییه‌وه ده‌ستیان پێكردووه و نۆره‌ی ئێوه‌ش دێ
عه‌ره‌ب له تێكدانی ناوماڵی كورد ئه‌زموونیكی زۆری هه‌یه و ده‌زانن له كوێوه ده‌ست پێبكه‌ن و له كوێش كۆتایی پێبێنن، بۆیه‌ش له پارتیه‌وه ده‌ستیان پێكردووه ده‌زانن ئه‌گه‌ر به‌سه‌ر پارتیدا سه‌ركه‌ون ئاسته‌نگه نه‌ته‌وه‌ییه‌كه ده‌بڕن و به بڕینی ئه‌و ئاسته‌نگه‌ش وه‌ك ده‌ڵێن سه‌ركه‌وتنیان به‌سه‌ر ئه‌وانی تردا به لێوانه، بۆیه پێویسته ئه‌و فراكسیۆنه خه‌وتووه چاوی كۆنه‌قینی دابخا و ئه‌و راستییه ببینێ، ئه‌گه‌ر ده‌وڵه‌تی یاسا به‌سه‌ر پارتیدا و عرووبه به‌سه‌ر كوردایه‌تیدا سه‌ركه‌وێ، ئه‌وكات ئه‌وان ده‌بێ خۆیان راده‌ستی ئیراده‌ی عرووبه بكه‌ن و وه‌ك جاشێك (نعم سیدی) بكه‌ن، خۆ ئه‌گه‌ر ئه‌وه نه‌كه‌ن دلنیام ئه‌مجاره نه‌ك بێ چاكه‌ت، بێ شتی تریش ده‌یاننێرنه‌وه.
