گه‌نده‌ڵكار ره‌فعی ده‌كا و خیانه‌تكار كه‌پسه لێده‌دات
سووره مه‌رگه‌یی
له ئێستادا گه‌نده‌ڵه‌كانی ناو پارتی ده‌وری یاریزانی تۆپ به‌رزكره‌وه ده‌بینن، به‌ڵام بۆ كێ؟! بۆ تیپی به‌رامبه‌ر و یاریزانه دژه‌كان، ئه‌وه‌تا به جۆریك ده‌رفه‌تیان بۆ دژ و نه‌یاره‌كانی پارتی ره‌خساندووه كه شه‌رم له مێژووی پڕ خیانه‌تی خۆیان نه‌كه‌ن و بێن موزایه‌ده به‌سه‌ر پارتیدا بكه‌ن، ئه‌گه‌ر ئه‌و گه‌نده‌ڵانه نه‌بن خیانه‌تكارێكی وه‌ك نه‌وشیروان مسته‌فا چۆن ده‌توانێ گه‌مه‌ی سیاسی له‌گه‌ڵ حزبێكی وه‌ك پارتی بكات، ئاخر پارتی خاوه‌نی (70) ساڵ خه‌بات و قوربانیدانه و له‌و ماوه‌یه‌شدا مێژووی بزووتنه‌وه‌ی رزگاریخوازی كوردی پڕ كردووه له ده‌ستكه‌وتی گه‌وره‌ی نه‌ته‌وه‌یی و سه‌روه‌ری نیشتیمانی، نه‌وشیروان مسته‌فاش (50) ساڵه ئاوڵووده‌ی خیانه‌ت و كوردكوژی و پێگانه‌په‌رستی بووه، كه‌چی گه‌نده‌ڵه‌كان وایان كردووه خیانه‌تكار بتوانێ به هێزی خیانه‌ت ملبه‌مله له‌گه‌ڵ هێزی ده‌ستكه‌وت و سه‌روه‌ریه‌كانی پارتی بكات، بۆیه لێره‌وه ده‌ڵێم: ئه‌و كه‌پسانه‌ی ناوه ناوه نه‌وشیروان میسته‌فا له پارتیان ده‌دات هی ئه‌وه نییه یاریزانێكی باش بێت، هی ئه‌وه‌یه گه‌نده‌كاره‌كانی ناو پارتی جوانی بۆ ره‌فع ده‌كه‌ن.
