بەشداریی سەرۆكی هەرێمی كوردستان لە بەرەكانی شەڕی دژی داعش هاوشانی پێشمەرگە، هەتا ئەگەر سیمبولیش بێت، پەیامێكە بۆ جیهان بەوەی نەك هەر هێزی پێشمەرگەی كوردستان، بەڵكو سەرۆكەكەشی حازرە فیداكاری بكات بۆ ئەوەی مەترسی لەسەر كوردستان و عێراق و ناوچەكە دووربخاتەوە، .سەرۆك بارزانی، خوێندنەوەی لە پاشەڕۆژی كوردستان خوێندنەوەیەكی حەكیمانەیە، ئەگەر لە هەر تاكێكی كورد بپرسیت خەون و خەیاڵی ئێستا و پاشەڕۆژت چییە؟ بێگومان لە وەڵامدا دەڵێ دامەزراندنی دەوڵەتی سەربەخۆی كوردستانە. خەباتی سەرۆك بارزانی خەباتێكی گشتگیر و ستراتیژییە كە خواستی هەموو كەسێكە، ئەوەی خوێندنەوەیەكی هەبێت دەگاتە ئەو دەرئەنجامەی كە سەرۆك بارزانی خەونی گەورەی هەیە، ئەویش سەربەخۆییی كوردستانە، ئەم خەونە بە درێژاییی مێژوو لە خەباتی بارزانیی نەمریشدا ئامادەیی هەبووە، خەبات بۆ دابینكردنی خەونە گەورەكە، لە كاركردن بۆ گەشەپێدانی ئابوورییەكی سەربەخۆوە دێتە دی. پێگەی بارزانی لە شەڕی داعشدا ورەیەكی زیاتری بە هێزەكانی پێشمەرگە دا، تا خۆڕاگرتر و بەهێزتر شەڕی خوێنڕێژترین تیرۆریستەكانی سەدە بكەن، لەلایەكی تریشەوە وەكو سەرۆكی هەرێمی كوردستان لە پەیوەندییە دیپلۆماسییەكانی لەگەڵ جیهاندا. بۆیە ئەرك و زەروورەتە كە سەركردە كوردەكان پێداگیری لەسەر ئەم مافە بكەن و لە سەر هەردوو ئاستی هەرێمایەتی و نێودەوڵەتی تەرحی بكەن و رێگە بگرن لە دووبارە بێبەشكردنەوەی گەلی كورد لەم مافە. هەروەها پێموایە تەرحكردنی پرسی سەربەخۆیی و بە تەوافوق لەگەڵ لایەنەكانی دیكەدا لە لایەن بەڕێز مسعود بارزانییەوە چارەسەرێكی واقیعییانەیە كە دەستەبەری ئەوە دەكات گەلی كوردستان مافە رەواكانی خۆی بەدەست بێنێت.
رووداوەكانی دوو ساڵی رابردوو، شكاندنی هەیبەتی داعش و داگیركەرٍان لە سەر دەستی پێشمەرگە، گەرٍاندنەوەی رووبەرێكی بەرفراوانی خاكی كوردستان ، متمانەی نێودەوڵەتی بە گەلی كوردستان ، بوونی دەیان كۆنسوڵخانە ، كۆمپانیایی بواری نەوت و بازرگانی ، پێكەوەژیانی ئاشتیانە ، سەقامگیری كوردستان ، هەموو ئەوانە بواریان رٍەخساندووە تا هەنگاوەكانی سەربەخۆیی كوردستان خێراتر بەرەو پێشەوە هەنگاو بنێنن .
لە لایەكی دیكەوە بانگهێشتە فەرمییە یەك لە دوای یەكەكان لە سەر ئاستی هەرێمی و نێو دەوڵەتی بۆ سەركردایەتی كورد و سەرۆكی هەرێمی كوردستان وایكردووە كە سەربەخۆیی كوردستان لە هەموو كاتێك نزیكترە، چونكە ئەمجارە گفتوگۆ لەسەر ئەو پرسە لەگەڵ وڵاتان بە ڕاستەوخۆ دەبێت.
ئەوەی ماوە كورد نەك تەنیا لە باشووری كوردستان یەكدەنگ و یەكهەڵوێست بن بەڵكو لە بەشەكانی تریش رٍەچاویی دۆخە هەستیار و گۆرٍانكارییەكان بكەن ، بە پێی عەقڵ و مەنتیق بجوڵێنەوە و نەكەونە ژێر كاریگەری وڵاتانی ئیقلیمی دژی كورد ، چونكە ئەو وڵاتانە جگە لە هەوڵی بە لارێدا بردنی سەربەخۆیی و تێكدانی یەكریزی كورد هیچ سوودیان بۆ كورد نەبووە ، لێرەدا هەمووان پێوستە پشتیوانی سیاسی حەكیمانە و كوردانەی سەرۆك مسعود بارزانی بین كە دلسۆزانە بۆ هەموو كورد تێكۆشان دەكات ..
ئێستا ئێمە لە قۆناغ و سەردەمێك داین كە پێوست دەكات ، پێداگر و داكۆكیكار بین بۆ بەدیهێنان و بەدەستهێنانی سەربەخۆیی كوردستان ، چونكە گشت شۆرشە و تێكۆشانەكان بە ئێستاشەوە كە سەرۆك بارزانی لە نێو خۆیی و كوردستان و وڵاتانی ناوچەكە و جیهان گشت تواناكانی خستۆتەگەر و گەلی كوردستان لە هەمبەر ناخۆشییەكان و پێشمەرگە قارەمانەكان سینگی خۆیان وەك قەڵەغانێكی پۆڵایین داوەتە بەر تۆپ و تەقینەوەی تێرۆریستان و داگیركەران لە پێناو ئەو ئامانجە گەورەیەیە كە "سەربەخۆیی كوردستانە "، رٍەتكردنەوەی زوڵم و زۆر و ژێر دەستی و كۆیڵەبوونە .
سەربەخۆیی ئاواتی لەمێژینەی گەلی كوردستانە، پاش ئەم گۆڕانكاریانەی بەسەر ناوچەكەدا هاتوون، سەد ساڵ بەسەر ڕێككەوتنی سایكس پیكۆدا تێپەڕیوە و ئێستایش لە هەر كات زیاتر گونجاوترە بۆ هەنگاونان بەرەو سەربەخۆیی و بەدەستهێنانی كیانیكی سەربەخۆ كە گوزارشت لە نەتەوەیەكی مافخوراو بكات، بۆ ئەوەی پەرە بە ئابووریی خۆمان بدەین و زیاتر دیموكراسی و ئازادییە كەسییەكان فەراهەم بكەین و چیتر پشت بە بەغدا نەبەستین، چونكە بەغدا خۆی لەناو كۆمەڵێك قەیراندایە و ناتوانن كێشەكانی خۆیان چارە بكەن. ئێستاش لەگەڵ گشت بانگهێشتە فەرمییەكان بۆ سەرۆك بارزانی ، پەیامی نەتەوەیی و سەربەخۆیی كورد دەگەێنێتە سەرۆك و وڵاتانی دۆست و دوژمن و پێیان دەڵێت كە ئێتر ناتوانین و نامانهەوێت بێ‌ دەوڵەتی سەربەخۆیی بین .
ئێمە هەموو خەبات و تێكۆشانمان بۆ ئەوە بووە گەلی كورد سەرفراز بژیت، ئومێدی زۆریشمان هەیە سەرۆك بارزانی گەلە ستەمدیدە و زوڵملێكراوەكەی خــۆی بگەیەنێتە مەنزڵی ئارامی و ئاســوودەیی. سەرۆك بارزانی‮ ‬بەدیلی‮ ‬نییە ئێمە دەزانین بە چ شێوازێكی‮ ‬هەست كردن بە بەرپرسیارەتی‮ ‬رەفتار دەكات بۆ ئەوەی‮ ‬گەلەكەی‮ ‬بگەیەنێتە كەناری‮ ‬ئارامی‮ ‬و سەربەخۆیی،‮ ‬ئەمە رەوشتی‮ ‬مرۆڤی‮ ‬سەركردەو نیشتمانپەروەرە‮. ‬ئەمە دروشمی‮ ‬پارتی‮ ‬دیموكراتی‮ ‬كوردستانە بۆ پێكەوەژیان و تەبایی. لە رٍاستیدا هیچ دەوڵەتێكی‮ ‬دیموكراتی‮ ‬ڕاستەقینە دروست و نایەتە كایەوە بەبێ‮ ‬ڕەچاوكردنی‮ ‬یەكسانی‮ ‬و دادپەروەری‮ ‬لە كوردستان لە ژێر سێبەری‮ ‬بڕیارە تازە و گرنگەكانی‮ ‬میللەتەكەمان بە چاودێری‮ ‬وسەركردایەتی‮ ‬ئەندازیاری‮ ‬جاڕدانی‮ ‬دەوڵەتی سەربەخۆیی ‮ ‬كوردستان سەرۆك بارزانی، فەرماندەی‮ ‬هێزی‮ ‬پێشمەرگەی‮ ‬ كوردستان‮ . ‬وە دیارە جەماوەری‮ ‬بەشەڕەفی‮ ‬كوردستان هەر هەموویان پێشمەرگەن لە پێناو رزگاری‮ ‬و ئازادی‮ ‬و سەرفرازی‮ ‬بە خاوەن بوونی‮ ‬میللەتی‮ ‬كورد مافە‮ ‬ڕەوا و زەوت كراو و پەنا دراوەكانی‮ . ‬بۆ ئەوەی جارێكی‮ ‬تر توشی‮ ‬كارەسات و ماڵوێرانی و ژێر دەستی نەبینەوە ..بێ‌ گۆمان میللەتێك خاوەنی كەسایەتییەكی كوردپەرەور و نەتەوەیی و نیشتیمانپەروەری وەك پێشمەرگە، سەرۆك بارزانی بێت ، بە دڵنییاییەوە دەگات بە ئامانج.