باشوورێ کوردستانێ دەمەک درێژە سەربەخوە خوەدان ئورگانێن دەولەتداریێ:پەرلەمان،حکۆمەت،سەرۆکایەتی،خوەدان ستونێن ئاسایشا نەتەوەیی:سیاسی،لەشکەری،ئابۆری،کۆمەلایەتی ،سەرەرایی تیبینی ولاوازێن ھەنە !،لێ ھەموو شیان بۆ دامەزراندنا دەولەتا نەتەوەیی ل باشوور ب رەنگەکێ رەنگڤەدانا ماف وبەرژەوەند وپیرۆزێن کورد و کوردستانیا بکەت،دگەل ھێزا پاراستن وگەشەکرنێ،لایەکی دی باشوور چ ئەڤرۆ سەربەخوە ب رەنگێ ھەرێما کوردستانێ یان سوباھی دەولەتا نەتەوەیی ،ئەرک و بەرپرسیاریا وێ یا نەتەوەیی ھاریکاریێ وپشتەڤانیێ بدت شۆرەشا پارتێن کوردی:باکۆر،رۆژھەلات،رۆژئاڤا،ھەڤدەم سیاسەتکرنەک ئەرینی دگەل:ئیران ،تورکیا،سوریا ،داکۆ مفا بزڤرت بۆ باشوور و پارچێن کوردستانی .
لدەمێ باشوور بوویە ھەرێما فیدرال ب بەردەوامی دسیاسەتکرنێ دا دگەل حکۆمەتا ناڤەندی ل بەغدا،دیسان دگەل وەلاتێن ھەڤسنۆر ،ھەریمی،ناڤدەولەتی،ھەموو ئارمانج بۆ ھندێ دامەزراندنا دەولەتا نەتەوەیی،کرنا کەیسا کوردان ل پارچەێن دی کەیسەک جیھانێ،ھەڤدەم دگەل سەرانێن ئەوان وەلاتان بۆ ھندێ قوناغ قوناغ مافێن کوردا بدن .
دیارە بەری دەرکەفتنا داعش بارەدوخی:سیاسی وئاسایشی ل عیراقێ ،تورکیا،سوریا،ئیرانێ،راستە راستی گھورانکاریا دھات و بەرەف ناجێگریێ دچوو و رژێمێن دەستھەلاتداریی دکرن بەرەف ژنافچوون ،ژبیرنەکن بارەدوخ درێژە پێدانێ گوھورانکارین ھاتینە پێش ل جیھانا عەرەبی و ئیسلامی، ژ ئەنجامێ دکتاتوریەتا وان ، ھندەک ژ بەرھەمێ سیاسەتا مەزن وەلاتێن جیھانێ ب بەرژەوەندێن:جیو سیاسی ،جیوستراتیژی،جیو ئابۆری،دیسان مفا وەرگرتن ل کارتێن :تیرۆر،مافێ مرۆڤ و بەلاڤەکرنا سیستەمێ دیمۆکراسی، ب وەلاتێن: ئیکگرتێن ئەمریکا،روسیا ،ئێکەتیا ئەورپا،دگەل ھەڤالبەندێن وان شیعەنیزم وسونەنیزم ،بەلێ داعش دەرکەفت ل جوگرافیا سوریا وعیراقێ ،باشووری کوردستانێ وەک دەستھەلاتداریی،بۆ گەفەک مەزن سەر ھەموو ئالێن ژیانا ئەڤان دەولەت وھەرێمان،تایبەت باشوورێ کوردستانێ،داعش بەرەف دوماھیک ل باشوور و سوریا و عیراق،بۆ ژناڤبرنا داعش کورد ھاتن بکارھینان ژلایێ ئەمریکا و وەلاتێن ھەفپەیمانێن وێ .
باشوور ب ئۆرگانێ سەرۆکایەتیا ھەرێمێ رادبت ب ئەرکا دابینکرنا ئاسایشا کوردان ببەردەوامی،ئەڤرۆ ٢٣/٨/٢٠١٦ بەرێز (مەسعود بارزانی) چوویە وەلاتی (تورکیا)،پێشبینی دھێتکرن لسەر دوو ئاستان سەرۆکێ ھەرێمێدئەڤێ چوونا خوەدا دگەل لایەنێ تورکی گوتوبێژ و دان وستاندنا بکەت، ئاستێ باشوور:پرۆژی سەربەخوویی،رزگارکرنا مویسل و ئایندەیێ کورد و کوردستانێن دخوازن دگەل کوردان بژین ،ھەولێر و بەغدا ،ئابۆر و بازرگانی،ئاسایشی وھەماھنگی،ئاستێ کوردستانێ:کوردستانا باکۆر دووبارە ئاشتی ودان و ستاندن،رۆژئاڤایێ کوردستانێ زورتر ژ جاران وبارەدوخی ھەستیار وپلانا رژێما سووریا ل لایەک و لایەک دی ئوپوزسیون بو لاوازکرنا پێگەھێ کوردان ل سوریا بھێت،رۆژھەلاتێ کوردستانێ ب بەردەوام دەستویردانا د شیعەێن عیراقێ ب کارھینان دژی کوردان دیسان تۆپارانا باشوور،بەردەامی ب پرۆژی قرکرنا نەتەوا کورد ل رۆژھەلات .
ئاشکەرایە پشتی دووبارە (تورکیا و روسیا) نێزیک یەک بووین،چوار گوشەیا زێرینا بەرژەوەندا برێڤە:تورکیا و روسیا وئیران و سوریا،دگەل عیراق ب بەشێ شیعە ،ھەلبەت ئەف وەلاتەدکووکن لسەر ژناڤبرنا ھەر گەف ومەترسیەک بۆ سەر بەرژەوەندێن وان ێن نەتەوەیی دوور و نێزیک ،ھەلبەت کورد چ ل باشوور یان ئاستێ کوردستانا مەزن ئێک ژ ئەوان گەفان بۆ ھەموویان ژبلی رووسیا ئەوا دبەلانسا ھێزێ دگەل کوردان،ئەف چوار گوشە جھێ دل تەنگیا (ئەمریکا) ھەفپەیمانێن وێ ل جیھانا عەرەبی ب بەشێ سونە و ئەورەپی!،لەورا ھەر زوو ھاتیە سەر ھێلێ،چاڤەرێ دھێتکرن (جوون کیری) سوباھی بھێت (تورکیا) ئەڤا رووی ددت ل نێزیک ھایدارببت تایبت تورکیا گرنگە بو وێ بەشەک مەزن ژ سیاسەتا وی یا دەرڤە و ھەفپەیمانی ناتۆ و ئیسرائیل،ھەلبەت (ئەلمانیا و فرەنسا) ژی لسەر ھێلێ و تماشە دکن مژارێن گرێ دایی وان:پەنابەری،چوونا توندرەوان ،مافێن مرۆڤ،ئەندامبوونا تورکیا ل ئێکەتیا ئەورپا .
بگشتی بارەدوخەک نەخوازراوە لسەر ھەر لایەنک مافێن وان ھاتینە خوارن ، تایبەت لسەر کوردان ل باشوور و کوردستانا مەزن ، ئێک ژ دوو بژاردان نەکو سێ چاڤەرێ کوردان دکن:ئازادی یان داگیرکرن ب ماوەیک درێژ ،لەورا دھێت خوازتن ھەر زوو ئێکەتیا نەتەوەییا کوردان دروست ببت دناڤبەرا ھەموو پارچەێن کوردستانێ ،ھەموو ھێز و شیانێن مرۆڤی ،دەراڤی ،دگەل : سیاسەت ، ئابۆر ، کۆمەلایەتی ،جوگرافیا،لەشکەری ،لبەر دەستێ ئەڤێ ھێزێ ب رەنگەکێ گرەنتیا بژاردەیا ئێکێ بۆ ھەر پارچەکا کوردستانێ بکت،دەرئەنجام لداھاتیەک نێزیک لدویف باشتربوونا بارەدوخیو دەمی چوار دەولەتێن نەتەوەیی بۆ کوردان،بەروڤاژی بژاردەیا دوویێ دووبارە داگیرکرن،ئیدی خالا چوونە دووبارە شۆرەش قوربانی ئەڤەژی ب زەحمەتە،چەند نەوە و ژیان و ھێز دڤێن ،ب موخابنیڤە دوپاتیا وی راستیا مێژوویی دکەت کورد یاریزانە لێ گولان ناکەت چ دەمکێ دیاریا سیاسی دا بەلکۆ لێ دھێنکرن !.