(پێشمەرگە پێش ھەمی جیھانێ ڤە یێ شەڕی دژی تیروریستێن داعشێ دکەتن) ئەڤە ئاخفتنەکا سەروک بارزانی یە. د ڕوانگەھا سایکۆلوژی دا ڕامانا ڤێ ئاخفتنێئانکۆ ھەستێ مرۆڤایەتیێ, رێزگرتنا ھەمی ئاینان, ھەبوونا دەولەتا کوردستانێ و گرنگیدان ب یاسایا نیڤدەلەتی, دیربوون ژ ھەڤڕکیێن دژوار یێن ئولی, گرنگیدان ب مافێ زارۆک و ئافرەتێ و دیر ژ توندوو تیژیێ, پەیداکرنا ئاسایشا سایکۆلوژی ل سەرانسەری جیھانێ ئەڤ ھەمی خالێن پیرۆز ئارمانجا سەرەکی یا پێشمەرگێن قەھرەمانە, لێ دڤێرێدا مە دڤێتن تەکەز لسەر ھەستەکێ دەروونی بکەین و شرۆڤەبکەین ئەوژی ھەستکرن ب گۆنەھێ لدەف پێشمەرگەی, کۆ بومن ھاتە گێڕان ژلایێ کەسەک نیزیکی من کۆ پێشمەرگەیە گوت ھەڤالەک من یێ پێشمەرگە بەردەام دبێژیتن (ئەز نەشێم شەری دگەل داعش بکەم چۆنکی ھەر چەوابیتن ئەژی موسلمانن) ژبەر ڤێ چەندێ ئەڤێ ئاخفتنا ترسناک سەرنجا من کێشا کۆ ئەڤی بابەتی بنڤیسم و شروڤەبکەم ژلایێ دەروونی ڤە و کا ئەو چ فاکتەر و تێگەھن بڤی شێوەیی کارتێکرنێ ل دەروونێ مرۆڤی دکەن و بو نموونە ئەڤی پێشمەرگەی. مێشکێ مرۆڤی گەلەک بەش ھەنە لێ ھەمی بەش د دوو ساخلەتێن ھەڤدژدا کۆنترۆلا ھەمی ھەست و ھزر و کریارێن مێشکی و رەفتارێن مرۆڤی دکەن کو ئەڤ ھەردوو ساخلەتە تێنەناڤکرن ب ھەست( شعور) کۆ بریتیە ژ لۆژیک و پەروەردا پیرۆز و دەمێ نوکە و ژینگەە و ساخلەمی و پێگەھاندنا مرۆڤایەتیێ و گرنگیدان ب ئاسایشا سایکۆلۆژی و ریزگرتنا خو و یێ بەرامبەر لێ بەرۆڤاژی ڤێ چەندێ یێ دوویێ ژی نەھەست(لا شعور), ئانکو پیسبۆنا سایکۆلۆژی ژ ئەگەرێ پەروەردا نە دروست ژلایێ پێگەھاندنا جڤاکی ڤە بو نموونە ئاین و خێزان و قوتابخانە کۆ بێژنێ نەھەست( لاشعور)ھەر دەمێ مروڤ کارەک بکەتن ئەڤ ھەردوو لایەنە بەرھەڤن بو کۆنترۆلا ھەست و ھزرێن مرۆڤی ژبەر ڤێ چەندێ زانایێن دەروونناسی و پەروەردەیی تەکەزێ لسەر ھندێ دکەن کۆ پێدڤی یە مرۆڤ د ھزرکرن و ھەستکرنێ و رەفتاران دا و بگشتی د کریارێن مێشکی دا گرنگی ب لایەنێ ھەستی( شعور) بدەتن ئەگەر نە دێ نەھەست( لا شعور) کۆنترۆلا ھەمی کریارێن مێشکێ و رەفتارێن مرۆڤی کەتن و ئەڤ چەندەژی دێ بیتە ئەگەرێ ھندێ کۆ ھەستێن نەڕەوا وەکی ھەستکرن ب گونەھێ لدەف مرۆڤی پەیدابیتن ژلایێ نەھەستی(لا شعوری) ڤە کۆ دبیتن ئەگەرێ ھندەک نەخۆشیێن دەروونی وەکی ھستیریا و خەموکی و نیگەرانی و وەسواس و شیزۆفرینیا, ژ ئەگەرێ وان ھزروبیریێن نەڕەوا یێن ئاینی و دیر ژ مروڤایەتیێ کۆ ھاتینە سەپاندن لسەر میشکێ تاکەکەسی ژلایێ ھندەک لایەنێن توندڕەو و دژی مرۆڤایەتی و بگشتی و دژیکوردانتایبەتی. ھەروەسا ئەف چەندە دێ کارتیکرنێ لسەر مۆرالا ھەڤچەپەرێن ڤی پێشمەرگەھی ژی کەتن ژبەر ڤێ چەندێ پەیاما مە دگەل ئاخفتنا سەروک بارزانیە کۆ دبێژینە پێشمەرگەھێن قەھرەمان گرنگی ب نەھست( لا شعور) نەدەن و ئەف کارێ ھین دکەن ھەستە( شعورە) و بێ ی ھەڤرکیێن دەروونی تیروریستان بکۆژە و تو ژلایێ مروڤایەتی و یاسایی و زانستی و ئاینی ڤە مافداری و دروستی و ل دوماھیێ ھیڤیا مە ئەوە ھەمی تاکەکەسێن کوردستانێ گرنگی ب لایەنێ ھەستی و ھوشیاریا سایکۆلوژی بدەن د وەسفکرنا تیروریستێن داعش.
*نزار عێمەت عەلی: مامۆستایێ ھاریکار/ زانینگەھا زاخۆ/ پشکا دەروونناسیا گشتی/ تایبەتمەندێ دەروونناسیا گشتی( کلینیکی)*
نزار عصمەت عەلی
