نەتەوە ب رەنگێ ئێکەتیا نەتەوەیی ب ئاشکەرایی وسەرکەفتیانە دچەرخێ نوزدێ ل کیشوەرێ ئەورەپا سەرھلدا ب مەرەما کارکرن بۆئارمانج وبەرژەوەندێن نەتەوی،ھەڤدەم گۆھورین لسەر تیگەھێ دەولەتێ ھاتنکرن:دەولەت نەما وەک بەرێ دەولەتا ئاسایشا کەڤن بەلکۆ دەولەتا ھیڤی وخواستێن نەتەوی،ئەو کیانێوەلاتی پێڤە گرێدایی،ھەموو شیانێن خوە تەرخان دکن ب مەرەما دەولەتا وان سەرکەفتنێ وپێشڤەچوونێ بخوەڤە بینت دسیستەمێ ناڤدەولەتیدا ب قوناغێن:پاشڤەمایی،چاندن،پیشەسازی،زانیاریان وتەکنولوجیایی،ھەلبەت دەولەتا ب رەنگێ دیارکریشیان وکارکرنێن مەزن دڤێنژ شیانا:لەشکەری،ئاسایشی، ئابۆری،سیاسی،کۆمەلاتی،چاندوھونەری،ژ کارکرنا:ھەبوونا ھێزا ھزرا نەتەوی لدەف ئەندامێن کۆمەلگەھی،مەرجێن ئەڤێ ھزرێ:ڤیان،خەمخوری،قوربانی،خوەگوریکرن،گرێدان وکارکرن ب نەگھورێن:ناسنامە،زمان،مێژوو،جوگرافیا،داب ونەریت،بوھا،پیرۆزی،ئالا،سرۆد،شۆرەش،بەرخودان،شانازی ب سەرکەفتنێن نەتەوی دقوناغێن جودا جودا،شانازی ب مێژوویێ،ساخکرنا سمبۆل وسەرکردان وداھێنەران ب سەرکەفتنێن وان،پشتەڤانیا:پیشەسازی،بازرگانی،میدیا،ھونەر،وەرزش،گەشت وگۆزار،دیسان پشتەڤانیاھەڤ نەتەوێ خوە لدەمێ ناکۆک دگەل بیانیەکێ،ھشیاربوون لسەر بابەت وئارێشەێن نەتەوا خوە ب تێگەھشتن ل ھەموو رەھەندێن وان وکارکرن بۆ چارەسەرێن سەرکەفتی چەند قوربانیا بخوازت،زێدەتر ھزرا نەتەوی دھێت پێش لدەمێ گەڤ ومەترسی وکوشتنا نەتەوی روودت دجەنگ،کرێزان، بویەرێن نەسرۆشتی.
پرسیار:باشوورێ کوردستانێ و ھزرا نەتەوی چاوا ؟
لدەمەکێ ھەموو مافێن باشووریان ژلایێ دەولەتێن زلھێزێن جیھانێ پشتی جەنگا جیھانیا ئێکێ دسالانێن دامەزراندنا دەولەتا عیراقی تایبەت ژلایێ ئاقلێ عەرەبی نەھاتندان ،ھژمارەک باش ژ باشووریان ب کورد وکوردستانیانئێکەتیا خوە یا نەتەوەیی چێکرن ،ھزرا نەتەوی و نشتمانی دناڤ کیانێ خوەدا لڤاندندەرئەنجام ب ناڤێ پێشمەرگە ب دەستوورێ پێشمەرگایەتی شۆرەشا خوە یا چەکداری ئەنجامکرن ب ئارمانجا بگەھن ھەموو مافێن نەتەوی ب دامەزراندنا دەولەتا نەتەوی،ئەڤە پشتی دان وستاندنا وکەنالێن ئاشتیانە سەرنەگرتین،بەرامبەر ئاقلێ عەرەبی ئەوێ ھەر چ ھێز وشیانەکا خوە بکارھینایی بۆ ھندێ شکەستنێ ب شۆرەشی بھینن لێ دۆماھیک شۆرەش سەرکەفتو سەرھلدان چێبوو و سەربەخوەیی ب ھەوارھاتنا ناڤدەولەتی بەلێ ھزارەھا قۆربانێن سەرو سامانی ھاتندان،ھەتاکۆ نووکە ھزرا نەتەوی ب باشترین ھات دیتن ل باشوور،ھەموو شیان:لەشکەری،سیاسی،کۆمەلاتی،وەک پێدڤی ھاتن بکارھینان بۆ دامەزراندنا کیانێ نەتەوی دچارچووڤەک کوردایەتی،باشووریێن شۆرەشگێر دئاستێ قەبوولکریێ خوەدا بوون دراستا: ناسنامە،زمان،ئالا،سرۆد،شورەش،ھەڤدەم خوەدان:ڤیان،خەمخوری،قوربانی،خوەگوریکەر .
پشتی باشووریان کیانێ خوە ئاڤاکرین ھەموو پێشبینی بۆ ھندێ دچوون ب باشترین بەردەوامیێ ب ھزرا خوە یا نەتەوی بدن دەرئەنجام باشوور ب ھەری باشترین بھێت ئاڤاکرن ژ:روویێ ستوونێن ئاسایشا نەتەوەیی،دام ودەزگەھێن یاسایی،ژێرخانا دەولەتداریێ،سامانێ مرۆڤی ومەزنترین ھێزا گرێدای:مێژوو،جوگرافیا،ناسنامە،سمبۆل،ئەڤە ھەموو بۆ ھندێ چاڤەرێ ھەر چ پێشھاتەکا:ناوچەیی،ھەرێمی،جیھانی بھێتکرن،داکۆ قەبوولی مافێ چارەنڤیسی وان ببن لدەمێ رادگەھینن،بەلێ باشووریان دشیاندابوون ب سەرکەفتیانە ستونێن ئاسایشا نەتەوەیی دابمەزرینن وگەشەبکن،دگەل ھشیاریا گەڤ ومەترسێن ئاسایشی:ناڤخوە ودەرڤە،ھەڤدەم سیستەمێ دیموکراسیەت بۆدەستھەلاتداریێ،دەستھەلاتداریا باش،رێزگرتن ل مافێن مرۆڤ،دادپەروەریا جڤاکی،سەروەریا یاسایی،ئاسایشا پەیوەندیان،سیاسەتا دەرڤە،بەلێ وەک دیارە ھەر ژسەرھلدانێ ھەتاکو ئەڤرۆ باشووریان وەک پێدڤی کار بۆ ئەڤا لسەری دیارکری نەکرییە،دەرئەنجام گومان دکەڤت ھزرا نەتەویا باشووریان تایبەت ئەو سەرکردە وبەرپرسیارێن کارگێریێ دکن و ھزرا نەتەوەییوان دئاستا پێدڤی دا نەبوویە،بەلێ بگشتی ھەموو ئەندامێن کۆمەلگەھێباشوور وەک پێدڤی خزمەتا ستونێن ئاسایشا نەتەوەیا خوەنەکرینە،ھشیاریا گەڤ ومەترسێن ئاسایشی نینە،دەستھەلاتا باش گۆمانە،مافێ مرۆڤی،پێکڤەژیان،ئاشتی،لێبورین سنوران نابەزینت،سمبۆلێن نەتەوی ناوچەگرینە،تاکێ باشوور وەک پێدڤی ھشیار نینە لسەر بابەت وئارێشەێن نەتەوا خوە،نەئامادەیە خوە بەشەک ژ چارەسەرێ بزانت،لدەمێ گەڤ ومەترسی وکوشتن دھێت سەر باشوور دجەنگ یان کرێزان یان بویەرێن نەسروشتی،پتریا ئەڤان تاکان باشوور چوولدکن،ھەموو ئەو سالوخەت ومەرج و پیڤەرێن ھزرا نەتەوەیی لدەف باشووریان چ بوھا نینە وناھێن دیتن.
چ بھێتکرن داکۆباشوور ببت خوەدانا ھزرا نەتەویا سەرکەفتی،ھەڤدەم ستوونێن ئاسایشا نەتەوەیی،ھەموو ھزر و شیان و کارکرن بۆ دامەزراندنا دەولەتا نەتەوەیی ،ئەوا ھەموو ئاماژە بۆ ھندێ دچن لدەمەک نێزیک چاڤ ب گوھورانکارێن لسەر ئاستێ دەڤەرێ و جیھانی، چاڤ ب زانست وھونەرێ سیاسیێ مەزنە دەولەتێن جیھانی ب جیوسیاسی،جیوستراتیژی،بەرژەوەندێن ژێدەرێن سەر ئەرد و بن ئەرد،بەلێ ئەڤ ھەر حەفت کارێن لخوارێ دیار مەرجێن سەرەکی و گرنگ باشوور بەرەف ئێکەتیا نەتەوەیی ھەڤدەم ئەف ئێکەتیە ب سەرکەفتیانە دێ دەولەتا نەتەوەیی دامەزریند و گەشە کەت .
١.ھزرا نەتەوی ب سالوخەت ومەرجێن وێ لدەف تاکێ کورد بھێن لڤاندن ،کوردبوون دروستبت ب کورد و کوردستان وەک قوناغا شۆرەشێ.
٢.ھەموو شیان:جوگرافی،ئابۆری،مێژوویی،کۆمەلایەتی،لەشکەری،سیاسی،دچارچووڤەیەک کوردایەتی بھێن کۆمڤەکرنب دامەزراندنا وەک پێدڤیا ستوونێن ئاسایشا نەتەوەیی.
٣.رێزگرتن ل مافێن مرۆڤی،دیموکراسیەتا ساخلەم،حکومەتێن تکنوکرات وتایبەتمەند ،حوکمێ باش ب ھەبوونا سەرکردان وسەرکردایەتیا ئەکادیمی وزانستی.
٤.ھشیاریا گەڤ و مەترسێن ئاسایشی ب ناڤخوە و دەرڤە .
٥.دەرئێخستنا دستوور،سەروەریا یاسایێ،یاسایکرنا ھەموو دام ودەزگەھێن باشوور بھێتکرن .
٦.دابینکرن وزامنکرنا ئاسایش ومافێن کەسی وپێکھاتان.
٧.خورتکرنا ئاسایشا پەیوەندیان وسیاسەتا دەرڤە وھەفپەیمانی.