دوا بەدوای ئەوەی كە شۆرەش لە وولاتانی عەرەبی هەڵگیرسا و بە هۆی سیاسەتی دیكتاتۆرییانەی سەر كردەكان عەرەب لە كۆتادا ئەوەی لێكەوتەوە كە بەشێك لە وولاتانی رۆژهەلاتی ناوەراست و ئەفریقیای گرتەوە و لە هەموو ئەمانەش بەشێك لەو شەرەش كەوتە نێو ماڵی كورد و مەبەست لێرە كوردستانی رۆژئاەایە كە بەشێكە لە كوردستانی گەورە دوا بەدوای سەر هەڵدانی شۆرەشی سوریا رۆژئاواش گۆرانكاری بە خۆیەوە بینی و خەڵكی كوردستانی رۆژ ئاواش دژی ئەو زوڵم و زۆر دارییە هەستانە سەر خۆ و ئەو چرایە نائومێدییەی كە گوژابوییەو جارێكی تر ئومێدی بۆ خەڵكی كوردستان گەراندەوە بە شێوەیەك كە كۆدەنگییەكی باش لە ناو كوردانی رۆژئاوا هەبوو ئەوەش وای كردبوو كە لە هەموو كۆبونەوەكانی دەرەوە بە چاوێكی تایبەت سەیری دۆزی كورد بكرێت لە لایەكی ترەوە سەرۆك بارزانیش بە پشت بەستن بەو یەكریزییەی كە هەبوو زیاتر لە هەموو جارێك دڵخۆش بوو لە بەر ئەوەی كە كوردانی رۆژئاواش دەنگی خۆیان دەبیت و دەتوانن قسەی كۆتاییی لە سەر دۆزی رەوای كورد لەو بەشەدا بكەن و بە كۆبونەوە لە گەڵ هەموو حیزبە كوردییەكان ئەوەی پێ‌ راگەیاندن كە من بە پێشڤەچوونی پرسی كورد لە هەر بەشێكی كوردستان خۆشحال دەبم بە مەرجێك یەكگر و یەك دەنگ بن.
ئەو دانیشتنانەی سەرۆك بارزانی یاداشتی لەیەك تێگەیشتنی هەولێری لێكەوتەوە بەڵام هێشتا مەركەبی سەر كاغەزی یاداشتەكە ووشك نەببو كە پە یە دە سیاسەتی تاكرەوی خۆی بە سەر هەموو ئەوانەی تر سەپاند و رێگری لە حیزبەكانی تر كرد.هەموو ئەو هیوا و متمانەی كە لە دڵی جەماوەری كوردستان دروست ببو لە بەین برد هەروەكوو چۆن بینیمان كە هاوبەشی لە گەڵ حكومەتی بەشار ئەسەد و هەندێك لە گروپە توندرەوەكان كرد و ئەوەی كە جێگەی داخە متمانەی پەیەدە بە حكومەتی بە شار ئەسەد پاش زیاتر لە نیو سەدە چەوساندنەوە و كوشتن و دان پێدانەنان بە كورد بوونی كوردەكان بووە.
هەموو ئەو هەڵسوكەوتانەی پەیەدە بۆ ئەوە بووە كە بە دوور لە هەموو عورفێكی ئەخلاقی بە تاك لایەنانە ئەو بەشەی كوردستان بە رێوە ببات و ئەوندەی كە كار بۆ بەرژەوەندی تەسكی حیزبایەتی كردووە ئەوندە كار بۆ هزری نیشتمانی و نەتەوەییی كورد نەكردووە بێشك ئەوەش كاریگەری نەرێنی لە سەر دۆزی رەوای كورد هەبووە و هەركاتێكیش لە رووی سەربازییەوە دۆخەكە لە بەرژەوەندی نەبووە پەنای دووبارەی بۆ گفتوگۆ هێناوە بەڵام هەموو كاتێك لە بەڵێنەكانی پەشیمان بووتەوە .