ژ تێگەھێن فرۆیدی بۆ کوردستانێ
م. زاھد سامی محەمەد جقسی*
تێگەھێ راوەستان لنک فرۆیدی گرێدایە ب تاکە کەسەکی و گەشەیا سایکولوژی یا وی ڤە، لێ دھەمان دەمدا دشێتن ل ئاستێت دیترێت کومەلایەتی و نەخاسمە یێت سیاسی بھێنە بکارئینان ومفایێ ژیّ وەرگرتن وەک ئێک ژ پێکھاتەیێت نەرێنی یێن کارتیکرنی لسەر بریاردانا مرۆڤی د کاودان و ھەلویستێت سیاسیدا ، بگوتنەکا دیتر، مە دڤێتن بێژین کە ھندەک جاران راوەستان دگەشەیا سیاسیا کەس یان لایەنن یان رێکخراوەک سیاسیدا دروست دبیتن و دبیتە ئاستەنگەک لبەر گەلەک رەفتارێت نە ھەژی ئەنجامددەن یان ھندەک بریاران ددەن کە دراستیدا ناگونجن دگەل کەتوار و کاودانێت وی یان وێ ریکخراوی ل ئاستەک نزم یان قوناغەک پێشتردا د جھێ خۆدا مابت وھندەک بوھا و بنەما و پڕەنسیپ بو کارێ خوە یی سیاسی کربنە بناغە، کە نا گونجن دگەل بەرژەوەندیێت ئەو قوناغا نوکە ئەو رێکخراو و دەزگەھا سیاسی تێدا، ئەڤ جۆرە راوەستانە دی برەنگەکێ نەرێنی کارتێکرنێ لسەر بریارێت وێ رێکخراوێ دەت و دور نینە دڤێ بیاڤێ بڕیارا نە گونجای دا ھندەک یان گەلەک ژ بەرڤەوەندیێت نەتەوەیی و نیشتیمانی بھێنە قوربانیکرن ولبەر دەست و پیان بەرزەببن وبھەڕشن.
ئەڤ چەندە دبیاڤێ سیاسەتێ دا دخوازیت کە قوناغێت گەشەکرنا رێکخراوێت سیاسی بدروستاھی بھێنە دویفداچوون و ئەف لایەن و رێخکراوە بزاڤێ بکەن ژ قوناغێت گەشەیا سیاسی پاشڤە نامینن و توشی راوەستانێ نەبن دابشێن ب بڕیارێت دروست و گەشەکری و لدویف کاودانێت سیاسی یێت دەڤەرێ و جیھانێ بڕیاریێ لسەر ھەلویستێت سیاسی بدەن وخەلک و ھەڤنیشتیمانییان ب وان بریاران شاد و بەختەوەر و مفادار بکەن، نەک ل دژی بەرژەوەندیێت نەتەوە و گەل و نیشتیمانێ خۆ پێنگاڤا بھاڤێژن تاکو نەبنە ئەگەرێ ب ئاڤێ دا چوونا زەحمەت و تەحلیا ھزاران مرۆڤ و پێشمەرگە و خوینا ھزاران شەھیدێت قەھرەمان ئەوێن گیانێ خۆ قوربانی خەلک و وەلاتێ خۆ کرین و ژنکێت خوە ھیلاین و بیژن و زاروکێت وان ماین ئێتیم و سێوی. و ئەڤە مەزنترین زیانە ھەر سیاسەتڤانەک ژ ئەگەرێ راوەستانا گەشەیا وی یاسیاسی دشێتن بگەھیتنە کوردستانێ و نەخاسمە ھەکەر ئەڤ سیاسەتڤانە سەرکردەیەک بیتن.
*مامۆستایێ ھاریکار/ بسپۆرێ دەروونناسییا گەشەی/ زانکۆیا زاخۆ/ قوتابیێ دکتۆرایێ ل زانکۆیێت ئۆردنی.
