دوای راگەیاندنی پێکهێنانی کوتلەیەکی نوێ لە پەرلەمانی عێراق، جێگری سەرۆک وەزیرانی پێشووتری عێراق دەبێتە سەرۆکی کوتلەکە.

کوتلە نوێیەکە ئێوارەی رۆژی هەینی 24-10-2020 لە کۆبوونەوەی 35 پەرلەمانتاری سەربەخۆ و بەرەی ئینقاز و گەشەپێدان، جەماهیر، پرۆژەی عەرەبی، حزبی ئیسلامی و کوتلەی عێراقی پێک هات.

ئوسامە نووجەیفی، جێگری سەرۆک وەزیرانی پێشووتری عێراق (2010- 2014) کراوەتە سەرۆکی بەرە نوێیەکە.

هەموو ئەندامانی ئەو کوتلە نوێیە، کەبەناوی (بەرەی عێراقی) پێک هێنراوە، لە پێکهاتەی سوننەمەزهەبی عێراقین.

بەپێی زانیارییەکان، کوتلەی بەرەی عێراقی هەوڵ دەدات سەرکردایەتیی و نوێنەرایەتیی عەرەبی سوننەمەزهەبی عێراق بکات و محەمەد حەلبوسیی سەرۆکی پەرلەمان لەکارەکەی دوور بخاتەوە.








باسنیوز