ئێوارەی ئەمڕۆ یەكشەممە لە خۆپیشاندانەكانی بەغدا گرژی دروست بوو، ئەمەش دوای ئەوەی لە ساڵیادی خۆپیشاندانەكانی 25ی ئۆكتۆبەری پاردا، بڕیارە خۆپیشاندانی بەرفرەوان بەغدا و شارەكانی تری ناوەڕاست و باشووری عێراق بگرێتەوە.


بە پێی میدیاكانی عێراق و ئەو گرتە ڤیدیۆییانەی لە تۆڕە كۆمەڵایەتییەكانی ئەم وڵاتەدا بڵاو كراونەتەوە، گریی كەوتووەتە نێوان ژمارەیەك لە خۆپیشاندەران و هێزە ئاسایشییەكان، بەم هۆیەوە لە هەردوولا چەند كەسێك بریندار بوون.


لەلایەكی تریشەوە سەرچاوەی نافەرمی باس لە تەقینەوەی بۆمبێك دەكەن كە لەلایەن خۆپیشاندەرانەوە هەڵدرابێتە ڕیزی هێزە ئاسایشییەكان و بەم هۆیەشەوە ژمارەیەك كارمەندی ئاسایشی بەغدا بریندار بوون.

لە هەمان كاتدا هێزە ئاسایشییەكان بۆمبی فرمێسكڕێژیان بەكارهێناوە و بەم هۆیەوە چەند خۆپیشاندەرێك بریندار بوون.













باسنيوز