پەرلەمانی عێراق کۆدەبێتەوە و خوێندنەوەی دووەم بۆ پرۆژەیاسای ژنە کوردە ئێزدییە رزگارکراوەکان یەکێکە لە خاڵەکانی بەرنازمەی کار.

بڕیارە کاتژمێر 12ـی نیوەڕۆی ئەمڕۆ شەممە 24-10-2020، پەرلەمانی عێراق دانیشتنی ژمارە 12ـی وەرزی یاسادانانی یەکەم لە ساڵی یاسادانانی سێیەمی خولی هەڵبژاردنی چوارەمی خۆی، ساز بکات.

لەو کۆبوونەوەیەدا، پەرلەمانی عێراق تاوتوێی 10 پرۆژە و پێشنیازەیاسا و راپۆرت دەکات، کە بریتین لە؛

1- تەواوکردنی بابەتی بازنەکان لە یاسای هەڵبژاردن

2- خوێندنەوەی یەکەم بۆ پرۆژەیاسای پارەدارکردنی کورتهێنانی دارایی

3- دەنگدان لەسەر پرۆژەیاسای چوونە پاڵ رێککەوتنی کاری دەریایی

4- دەنگدان لەسەر پرۆژەیاسای چوونە پاڵ رێککەوتننامەی ناسنامە و بەڵگەکانی دەریاوانان

5- دەنگدان لەسەر پرۆژەیاسای هەمواری یەکەمی سندووقی پاڵپشتیی بەشە ناوخۆییەکان لە وەزارەتی خوێندنی باڵا

6- دەنگدان لەسەر پێشنیازەیاسای هەمواری یەکەمی یاسای دەستەی عێراقی بۆ ئیعتیماد

7- خوێندنەوەی دووەم بۆ پرۆژەیاسای چوونە پاڵ رێککەوتننامەی (خطوط تحمیل)

8-خوێندنەوەی دووەم بۆ پرۆژەیاسای چوونە پاڵ رێککەوتننامەی نێودەوڵەتیی گەڕان و رزگارکردنی دەریایی

9- خوێندنەوەی دووەم بۆ پرۆژەیاسای کۆلێژی هێزی ئاسمانی

10- خوێندنەوەی دووەم بۆ پرۆژەیاسای ژنە کوردە ئێزدییە رزگارکراوەکان




باسنيوز