پەرلەمانی عێراق خوێندنەوەی دووەم بۆ پرۆژەیاسای ژنە کوردە ئێزدییە رزگارکراوەکان دەکات
بڕیارە رۆژی شەممە 24-10-2020، پەرلەمانی عێراق دانیشتنی ژمارە 12ـی وەرزی یاسادانانی یەکەم لە ساڵی یاسادانانی سێیەمی خولی هەڵبژاردنی چوارەمی خۆی، ساز بکات.
لەو کۆبوونەوەیەدا، پەرلەمانی عێراق تاوتوێی 10 پرۆژە و پێشنیازەیاسا و راپۆرت دەکات، کە بریتین لە؛
یەکەم- تەواوکردنی بابەتی بازنەکان لە یاسای هەڵبژاردن
دووەم- خوێندنەوەی یەکەم بۆ پرۆژەیاسای پارەدارکردنی کورتهێنانی دارایی
سێیەم- دەنگدان لەسەر پرۆژەیاسای چوونە پاڵ رێککەوتنی کاری دەریایی
چوارەم- دەنگدان لەسەر پرۆژەیاسای چوونە پاڵ رێککەوتننامەی ناسنامە و بەڵگەکانی دەریاوانان
پێنجەم- دەنگدان لەسەر پرۆژەیاسای هەمواری یەکەمی سندووقی پاڵپشتیی بەشە ناوخۆییەکان لە وەزارەتی خوێندنی باڵا
شەشەم- دەنگدان لەسەر پێشنیازەیاسای هەمواری یەکەمی یاسای دەستەی عێراقی بۆ ئیعتیماد
حەوتەم- خوێندنەوەی دووەم بۆ پرۆژەیاسای چوونە پاڵ رێککەوتننامەی (خطوط تحمیل)
هەشتەم-خوێندنەوەی دووەم بۆ پرۆژەیاسای چوونە پاڵ رێککەوتننامەی نێودەوڵەتیی گەڕان و رزگارکردنی دەریایی
نۆیەم- خوێندنەوەی دووەم بۆ پرۆژەیاسای کۆلێژی هێزی ئاسمانی
دەیەم- خوێندنەوەی دووەم بۆ پرۆژەیاسای ژنە کوردە ئێزدییە رزگارکراوەکان
باسنيوز
