شاندێکی پەرلەمانی عێراق بەئامانجی بەداداچون و چۆنیەتی پێشکەشکردنی هاوکاری بە ئاوارەی ناو کەمپەکان بەتایبەت لەبواری پەروەردە و تەندروستیدا سەردانی قەزای زاخۆیان کرد و رایانگەیاند، بەپێویستی دەزانن هەولێر و بەغدا بۆ دابینکردنی پێداویستی ئاوارەکان هەماهەنگی تەواو بکەن.

راگەیاندنی پەرلەمانی عێراق بڵاویکردەوە، دوێنێ چوارشەممە نوسینگەی زاخۆی پەرلەمانی عێراق لەگەڵ نوێنەری وەزارەتی پەروەردەی هەرێم کۆبوەتەوە و باسیان لە چۆنیەتی هاوکاریکردنی قوتابخانەکانی ناو کەمپەکان و کەمکردنەوەی کێشەکانیان کردوە.

ئەوەش هاتوە، شاندەکەی پەرلەمانی عێراق جەختیانکردوەتەوە کە پێویستە هەولێر و بەغدا لەپرسی ئاوارەکاندا هاوکار و هەماهەنگی تەواو بکەن، ئەوەش بەئامانجی دابینکردنی پێداویستیی کەمپەکان و بەردەوامبونی پرۆسەی خوێندن.








خەندان