هاوپەیمانیی دەوڵەتی یاسا روونکردنەوە لەبارەی خۆهەڵنەبژاردنەوەی سەرۆکی هاوپەیمانییەکە، دەدات.

ماڵپەڕی (سۆمەرییە نیوز) لە زاری سەرچاوەیەکی دەوڵەتی یاساوە، روونکردنەوەی لەبارەی دەنگۆی خۆهەڵنەبژاردنەوەی نوری مالیکی، سەرۆکی هاوپەیمانییەکە، داوە.

رۆژی سێشەممە 20-10-2020 لە تۆڕە کۆمەڵایەتییەکان و چەند میدیایەکی عێراقی دەنگۆی ئەوە بڵاو کرایەوە، کە نوری مالیکی بە نیاز نییە لە هەڵبژاردنی پێشوەختە، کە بڕیارە لە 6-6-2021 بەڕێوە بچێت، کە خۆی هەڵبژێرێتەوە.

سەرچاوەکەی دەوڵەتی یاسا ئەو دەنگۆیانەی رەت کردووەتەوە و رایگەیاندووە، مالیکی خۆی هەڵدەبژێرێتەوە و سەرۆکایەتیی هاوپەیمانیی دەوڵەتی یاسا دەکاتەوە.

نوری مالیکی یەکێکە لە سیاسەتمەدار و سەرکردە باڵاکانی عێراق و دوو خول لەسەر یەک لە (2006- 2014)، سەرۆکایەتیی حکوومەتی عێراقی کردووە.








باسنيوز