سەرۆک وەزیرانی عێراق لە کۆبوونەوەکانیدا لەگەڵ بەرپرسانی باڵای فەرەنسا، تاوتوێی پێنج بابەت دەکات.

شەوی یەکشەممە 18-10-2020، مستەفا کازمی، سەرۆک وەزیرانی عێراق بە سەرۆکایەتیی شاندێکی باڵای وڵاتەکەی، گەیشتە فەرەنسا و بڕیارە دواتریش سەردانی وڵاتانی ئەڵمانیا و بەریتانیا بکات.

بەپێی زانیارییە میدیاییەکان، مستەفا کازمی ئەمڕۆ دووشەممە 19-10-2020، لەگەڵ بەرپرسانی باڵای فەرەنسا کۆ ببێتەوە و تاوتوێی پێنج تەوەر بکەن، کە بریتین لە؛

- دەرهێنانی ناوی عێراق لە لیستی یەکێتیی ئەوروپا بۆ ئەو وڵاتانەی لە ئاستێکی باڵای مەترسی دان.

- پەیوەندییەکانی بەغدا و پاریس

- هەماهەنگیی ئابووری

- رووبەڕووبوونەوەی پەتای کۆرۆنا

- شەڕی دژی رێکخراوی تیرۆریستی داعش

پێشتر باڵوێزخانەی ئەڵمانیا رایگەیاندبوو، کە رۆژی سێشەممە 20-10-2020، مستەفا کازمی لەگەڵ ئەنجێڵا مێرکڵی راوێژکاری ئەڵمانیا کۆ دەبێتەوە و تاوتوێی شەڕی دژی رێکخراوی تیرۆریستی داعش، پەیوەندییەکانی بەغدا و بەرلین و هەماهەنگیی ئابووریی عێراق و ئەڵمانیا دەکات، جگە لە رووبەڕووبوونەوەی پەتای کۆرۆنا.




باسنیوز