ئاژانسی هه‌واڵی رۆیته‌رز بڵاویكرده‌وه‌، رێكخراوی داعش داوای له‌ لایه‌نگرانی كردووه‌، رۆژئاواییه‌كان له‌ شانشینی سعوودیه‌ بكه‌نه‌ ئامانج و هێرشی سه‌ر ژێرخانی ئابووری شانشینه‌كه‌ش بكه‌ن.

ئاژانسه‌كه‌ ئاماژه‌ی به‌وه‌شداوه‌، گوته‌بێژێك به‌ناوی رێكخراوی داعش له‌ تۆمارێكی ده‌نگیدا گوتی: "پێویسته‌ شانشینی سعوودیه‌ بكرێته‌ ئامانج، چونكه‌ پشتیوانی ئاساییكردنه‌وه‌ی په‌یوه‌ندییه‌كانی نێوان وڵاتانی كه‌نداو و ئیسرائیلی كردووه‌".

ئه‌مه‌ له‌كاتێكدایه‌، رۆژی 15ی سێپته‌مبه‌ر هه‌ریه‌ك له‌ ئیمارات و به‌حره‌ین له‌ كۆشكی سپی، دوو رێكه‌وتنی مێژوویی ئاشتییانه‌یان له‌گه‌ڵ ئیسرائیل واژۆ كرد، كه‌ به‌ گویره‌ی ئه‌و رێكه‌وتنانه‌ په‌یوه‌ندیێكی دیپلۆماسیی فه‌رمی له‌ نێوان ئیسرائیل و دوو وڵاته‌كه‌ی كه‌نداودا درووست ده‌كرێت، ئه‌م هه‌نگاوه‌ش كاردانه‌وه‌ی جیاوازی به‌دوای خۆیدا هێنا و به‌شێك له‌ وڵاتانی عه‌ره‌بی پشتیوانی و به‌شێكی دیكه‌شیان دژایه‌تی خۆیان بۆ ئه‌و رێكه‌وتنانه‌ راگه‌یاند.
k24-