مسته‌فا كازمی: هه‌رگیز بۆ قۆناغی پێكدادانی تایفی ناگه‌رێینه‌وه
له تویته‌كه‌یدا كازمی نووسیویه‌تی: "گەڕانەوە بۆ پێكدادانی تایفی نییە، یان بەدوژمنكردنی براكان بۆ مه‌رامی سیاسی. ئەو قۆناغەمان به‌یه‌كه‌وه تێپەڕاندووه".
هه‌وره‌ها دووپاتی كرده‌وه، "تاوانه‌كه‌ی به‌له‌د ره‌تكراوه‌یه و ده‌ستدرێژیكردنه سه‌ر باره‌گای پارتی دیموكراتی كوردستان و هه‌موو ئه‌و ده‌ستدرێژیانه ره‌ت ده‌كه‌ینه‌وه كه ده‌كرێته سه‌ر عێراقییه‌كان و به ناوی ده‌وڵه‌ت و گه‌ل رووبه‌ڕوویان ده‌بینه‌وه. ژماره‌یه‌ك تۆمه‌تباریشمان ده‌ستگیركردووه و ئه‌وانی دیكه‌ش ده‌ستگیر ده‌كه‌ین، بۆ ئه‌وه‌ی دادپه‌روه‌ری جێبه‌جێ بكه‌ین".
ئه‌مه له‌كاتێكدایه، ئه‌مڕۆ له شاری به‌غدا هێرشی سه‌ر باره‌گای لقی 5ی پارتی دیموكراتی كوردستان كرا و ئاگر له باره‌گاكه و ئاڵای كوردستان به‌ردرا، له لایه‌كی دیكه‌شه‌وه هه‌ر ئه‌مڕۆ ژماره‌یه‌ك چه‌كدار به ئۆتۆمبێلی چه‌كدارییه‌وه هه‌ڵیانكوتایه سه‌ر ناوچه‌یه‌كی شاری به‌له‌دی سه‌ر به پارێزگای سه‌ڵاحه‌دین و دوای رفاندنی 12 هاووڵاتی، ته‌رمی رفێنراوه‌كان به كوژراوی دۆزرانه‌وه.
k24-
