فەرماندەی پۆلیسی حەویجە رایگەیاند، داعش لە حەویجە هێرشی کردووەتە سەر پۆلیسی فیدراڵی.

عەمید فەتاح حوسێن، فەرماندەی پۆلیسی حەویجە راگەیاند، ئەمشەو 2020/10/05 "ماوەی نیو کاژێرە شەرێکی قورس لەنێوان پۆلیسی فیدراڵی و داعش بەردەوامە."

فەرماندەی پۆلیسی حەویجە ئاماژەی بەوە دا، داعش لە سێ قۆڵەوە لە باشووری حەویجەوە ھێرشی کردووە.

بە گوتەی عەمید فەتاح حوسێن، چوار پۆلیسی فیدراڵی کوژراون و سێی دیکەش بریندار بوون.

بە گوێرەی زانیارییەکانی فەرماندەی پۆلیسی حەویجە، لە کەرکووکەوە ھێزی پشتیوانی بەرەو حەویجە بەرێکەوتوون.
rudaw -