دووەم فەرماندەی باڵای سەربازیی عێراق لە ماوەی یەک هەفتەدا، بەهۆی تووشبوونی بە پەتای کۆرۆنا، گیانی لەدەست دا.

ئەمڕۆ چوارشەممە 30-9-2020، جومعە عیناد، وەزیری بەرگریی عێراق گیان لەدەستدانی فەریق حەمید حامد خەمیس شەمەری، فەرماندە لە ئەمیندارێتیی نهێنیی گشتیی لە وەزارەتی بەرگری، راگەیاندووە.

وەزیری بەرگریی عێراق ئاماژەی بە هۆکاری گیان لەدەستدانی ئەو فەرماندەیە کردووە و رایگەیاندووە، فەریق حەمید حامد بەهۆی تووشبوونی بە پەتای کۆرۆنا، گیانی لەدەست داوە.

پێشتریش لە رۆژی یەکشەممە 27-9-2020، وەزیری بەرگریی عێراق گیان لەدەستدانی لیوا روکن محەمەد مەهدی شەمەری، ئەمین سڕی مەشقی لە وەزارەتی بەرگری، بە پەتای کۆرۆنا، راگەیاندبوو.













باسنيوز