شانەی مێدیای ئەمنی، ڕای گەیاند كە لە پارێزگای زیقاڕ بۆمبێكی چێنراو بە كاروانی ئەو ئۆتۆمبێلانەدا تەقیوەتەوە، كە پێویستی و كەلوپەلی هاوپەیمانانیان گواستووەتەوە.

ئەمڕۆ یەكشەممە 27/9/2020، شانەی مێدیای ئەمنی، بڵاوی كردەوە، كە لە ناحیەی بەتحای پارێزگای زیقاڕ بۆمبێكی چێنراو بە كاروانی ئۆتۆمبێلی گواستنەوەی كەلوپەل و پێویستییەكانی هاوپەیماناندا تەقیوەتەوە، كە ئۆتۆمبێلی كەسانی سڤیل بووە.

بە پێی بەیاننامەی شانەكە، زیانی ماددی بەر یەكێك لە ئۆتۆمبێلەكان كەوتووە، بەڵام لە جووڵە و ڕۆیشتن بەرەو گەیشتن بە شوێنی مەبەست بەردەوام بووە و نەوەستاوە.










باسنيوز