پەرلەمانی عێراق کۆبوونەوەیەکی تایبەت بە بازنەکانی هەڵبژاردن لە یاسای هەڵبژاردنی پەرلەمانی عێراق، رێک دەخات.

محەمەد ئەمین فارس، ئەندامی فراکسیۆنی پارتی لە پەرلەمانی عێراق، راگەیاند، رۆژی شەممە 26-9-2020 پەرلەمانی عێراق لەسەر یاسای ھەڵبژاردنەکان کۆ دەبێتەوە و بەتایبەت گفتوگۆ لە بارەی بازنەکانی ھەڵبژاردن دەکات.

محەمەد ئەمین فارس هەروەها رایگەیاند، تا ئێستا لایەنە عێراقییەکان لەبارەی بازنەکانی هەڵبژاردن، نەگەیشتوونەتە رێککەوتن.

هەروەک ئەو پەرلەمانتارەی پارتی رایگەیاند، زۆرینەی ئەو فراکسیۆن و کوتلانەی دەنگیان بە یاسای هەڵبژاردن و دابەشکردنی پارێزگاکان بۆ چەند بازنەیەک داوە، ئێستا پەشیمان بوونەتەوە.

محەمەد ئەمین فارس ئاماژەی بەوەش کرد، کە فراکسیۆنی پارتی سوورە لەسەر ئەوەی عێراق بکرێتە 18 بازنەی هەڵبژاردن.







باسنيوز