سەرۆکی پەرلەمانی عێراق بە سەردانێکی سێ رۆژە، گەیشتووەتە کوێت.

ئاژانسی فەرمیی هەواڵیی کوێتی (کۆنا) بڵاوی کردووەتەوە، کە محەمەد حەلبوسی، سەرۆکی پەرلەمانی عێراق بە سەردانێکی فەرمی، شەوی چوارشەممە 16-9-2020، گەیشتووەتە وڵاتەکە.

کۆنا ئاماژەی بەوە کردووە، کە مەرزوق عەلی غانم، سەرۆکی ئەنجوومەنی ئومەی کوێتی (پەرلەمان) و مەنهەل سافی، باڵوێزی عێراق لە کوێت، پێشوازییان لە محەمەد حەلبوسی کردووە.

هەروەک ئەو ئاژانسە کوێتییە بڵاوی کردووەتەوە، حەلبوسی ماوەی سێ رۆژ لە کوێت دەمێنێتەوە و لەگەڵ بەرپرسانی باڵای ئەو وڵاتە کۆ دەبێتەوە.






باسنیوز