ئەمریکا لەبارەی پەکەکەوە داوایەک لە تورکیا و عێراق دەکات
دەیڤید کۆپلی هەروەها رایگەیاندووە، ئەمریکا کۆبوونەوە و دانوستاندنی هەردوو وڵاتی تورکیا و عێراق بۆ چارەسەرکردنی ناکۆکییەکانی تایبەت بە بوونی بنکە و بارەگاکانی پەکەکە لەناو سنووری دەوڵەتی عێراقی فیدراڵ، بە باشترین چارەسەر دادەنێت.
بەهۆی بوونی بنکە و بارەگاکانی پەکەکە لە ناوچە سنوورییەکانی هەرێمی کوردستان، سوپای تورکیا چەندین جار گوندەکانی ئەو ناوچانە بۆردومان دەکات و هاووڵاتییانی مەدەنی دەبنە قوربانی.
خەڵکی ناوچە سنوورییەکان بەردەوام داوا لە پەکەکە دەکەن، ناوچەكانیان چۆڵ بكات تاوەكوو بتوانن بە ئارامی لەسەر خاك و ئاوی خۆیاندا كاری چاندن و ئاژەڵداری بكەن، بەڵام پەکەکە نەك هەر داواكارییەكانیان ڕەت دەكاتەوە، زۆرجار هێزەكانی دەباتە نێو ئاوەدانییەكان و لە ئەنجامیشدا تائێستا دەیان هاووڵاتیی سڤیلی ناوچە سنوورییەكان بوونەتە قوربانی.
باسنيوز
