ئەمڕۆ یەكشەممە 3291 تووشبووی نوێی پەتای ڤایرۆسی كۆرۆنا لە عێراق تۆمار كران و 75 تووشبووش گیانیان لەدەست دا.

وەزارەتی تەندروستی و ژینگەی عێراق بڵاوی كردەوە لە دوێنێوە 3291 تووشبووی نوێی كۆرۆنایان لە پارێزگاكانی عێراق بە هەرێمی كوردستانیشەوە تۆمار كردووە. هەروەها لە دوێنێوە 3016 تووشبووی پەتاكەش چاك بوونەتەوە.

بە پێی راپۆرتەكە، لە دوێنێوە 19679 كەس لە عێراق پشكنینی كۆرۆنایان بۆ كراوە، بەم شێوەیە كۆی پشكنینەكانی كۆرۆنا لە عێراق تا ئەمڕۆ گەیشتووەتە یەك ملیۆن و 433 هەزار و 626 پشكنین.

هەروەها لەو 75 تووشبووەی گیانیان لەدەست داوە، 17 كەسیان لە بەغدا بوون، حەفتیان لە سلێمانی، 10یان لە هەولێر و حەفتیان لە كەركووك بوون. تا ئێستا كۆی ژمارەی ئەو تووشبووانەی كۆرۆنا كە لە عێراق گیانیان لەدەست داوە، گەیشتووەتە 6428 كەس.











باسنيوز