ئێوارەی ئەمڕۆ دووشەممە وه‌زاره‌تی ته‌ندروستی و ژینگەی عێراق ئاماری ئەمڕۆی پەتای ڤایرۆسی كۆرۆنای بڵاوكردەوە و رایگەیاند لە دوێنێوە 94 تووشبووی پەتاكە گیانیان لەدەست داوە و سێ هەزار و 202 تووشبووی نوێش تۆمار كراون.


لە سەرجەم شارەكانی عێراقدا، بە هەرێمی كوردستانیشەوە، لە دوێنێوە پشكنینی كۆرۆنا بۆ 21 هه‌زار 403 كه‌س كراوە، دەركەوتووە سێ هه‌زار و 202 كه‌سیان هەڵگری ڤایرۆسەكەن، هەروەها لە دوێنێشەوە سێ هه‌زار و 571 تووشبووی پەتاكە چاك بوونەتەوە.


تا ئێستا لە عێراقدا 180 هه‌زار و 133 كەس وەك تووشبووی پەتای كۆرۆنا تۆمار كراون، پێنج هه‌زار و 954 تووشبووی ڤایرۆسه‌كه‌ گیانیان له‌ده‌ست داوه، 128 هه‌زار و 954 تووشبووش چاك بوونه‌ته‌وه.














باسنيوز