بنكه‌ی سه‌ربازیی تاجی له‌ باكووری به‌غدا به‌ مووشه‌ك كرایه‌ ئامانج و شانەی راگه‌یاندنی ئه‌منی له‌ عێراق زانیاری لەمبارەیەوە خستە روو.

شانەی راگه‌یاندنی ئه‌منی عێراق ئاشکرایکرا کە ئەمشەو شەممە 15ی 8ی 2020، بنکەی سەربازی تاجی لە باکووری بەغدا بە دوو مووشەک کرایە ئامانج و مووشه‌كه‌كانیش له‌ ناوچه‌ی را‌شدییه‌وه‌ هه‌ڵدراون و هیچ زانیارییەکیشی لەبارەی زیانەکانی ئەو هێرشە نەخستووەتە روو.

جێی باسە لە سەرەتای ئەمساڵەوە هێرشی مووشەكی بەبێ وەستان دەكرێتە سەر چەند ناوچەیەكی هەستیاری بەغدا، وەكو ناوچەی سەوز و فڕۆكەخانەی نێودەوڵەتی، بنکە سەربازییەکانی هێزی هاوپەیمانان، ئەمانەش وەك بەشێكیان ئاشكرا بووە، بە زۆری لەلایەن میلیشیاكانی حەشدی شەعبیەوە ئەنجام دەدرێن.











باسنيوز