شانەی قەیرانەکان (شانەی رووبەڕووبوونەوەی پەتای کۆرۆنا) لە پەرلەمانی عێراق، پەیامێکی بەپەلە ئاراستەی حکوومەتی وڵاتەکەی دەکات.

ئەمڕۆ شەممە 15-8-2020، عەباس علێوی، ئەندامی شانەی قەیرانەکان لە پەرلەمانی عێراق لە بەیاننامەیەکدا رایگەیاندووە، پلانە کلاسیکییەکانی حکوومەتی عێراق بۆ رووبەڕووبوونەوەی پەتای کۆرۆنا، سەرکەوتوو نەبوون.

عەباس علێوی بەهۆی زیادبوونی ژمارەی تووشبووان بە پەتای کۆرۆنا، داوای کردووە حکوومەتی عێراق بەپەلە پلانی نوێی زانستی بۆ رووبەڕووبوونەوەی ئەو پەتایە، دابنێت.

تا ئێستا 168 هەزار و 290 کەس لە عێراق تووشی پەتای کۆرۆنا بوون و لەو ژمارەیەشدا، پێنج هەزار و 709 کەس گیانیان لەدەست داوە.











باسنيوز