کۆشکی سپی (کۆشکی سەرۆکایەتیی ئەمریکا) وادەی سەردانی سەرۆک وەزیرانی عێراق بۆ ئەمریکا، دیاری دەکات.

لە بەیاننامەیەکدا، کۆشکی سپی رایگەیاندووە، مستەفا کازمی، سەرۆک وەزیرانی عێراق رۆژی 20-8-2020، سەردانی ئەمریکا دەکات.

هەروەک کۆشکی سپی رایگەیاندووە، مستەفا کازمی لەگەڵ دۆناڵد ترەمپی سەرۆکی ئەمریکا کۆدەبێتەوە.

لە کۆبوونەوەکەدا، سەرۆک وەزیرانی عێراق و سەرۆکی ئەمریکا تاوتوێی دوایین پێشهاتە ئەمنی و تەندروستییەکان دەکەن، جگە لە هەماهەنگیی هەردوولا لە بواری نەوت.



باسنيوز