بەپێی زانیاریی میدیا عێراقییەکان شەوی ڕابردوو، لەسەر ڕێگای کاروانێکی سەربازیی ئەمریکا لە پارێزگای سەلاحەدین تەقینەوەیەک ڕووی داوە.

لەمبارەوە تۆڕی میدیایی (ئەلمەیادین) بڵاوی کردووەتەوە، ئەو تەقینەوەیە شەوی رابردوو و لە ناوچەی "مەکیشیفە" لە پارێزگای سەلاحەدین و لەناو کاروانێکی ئۆتۆمبێلی سەربازی و لۆجستیکی هێزی ئەمریکیدا ڕووی داوە.

هەتا ئێستا لەبارەی زیانە گیانییەکانی ئەو تەقینەوەیە، هیچ زانیارییەک لەبەردەست نییە و گرووپی بەناو بەرگریی "ئەسحابی کەهف" بەرپرسایەتیی ئەو تەقینەوەیەی گرتووەتە ئەستۆ.

یەکشەممەی ڕابردووش لە باشووی عێراق هێرش کرایە سەر کاروانێکی سەربازیی ئەمریکی.



باسنیوز