سەرۆکی ئیئتیلافی نیشتمانیی عێراق پەیامێک بۆ سەرکۆماری وڵاتەکەی دەنێرێت و پێی ڕادەگەیەنێت کە پێویستە تەمەنی حکوومەتی کاتیی عێراق لە ساڵێک زیاتر نەخایەنێت.

ئەمڕۆ یەکشەممە 15-12-2019، ئەیاد عەللاوی، سەرۆکی ئیئتیلافی نیشتمانیی عێراق لە نامەیەکدا بۆ سەرکۆمار، رایگەیاندووە، پێویستە حکوومەتی کاتیی عێراق بچوککراوە بێت و لە ماوەی ساڵێک زیاتریش نەخایەنێت.

ئەیاد عەللای داوای لە سەرکۆمار کردووە پەلە بکرێ لە دۆزینەوەی چارەسەرێک بۆ کێشەی عێراق و چوار پێشنیازیشی کردووە، کە بریتین لە:

- دۆزینەوەی چارەسەرێک بۆ رەوشی عێراق.

- گەیشتن بە سەقامگیری لە عێراق.

- زیادکردنی دەرفەتی کار.

- بەردەوامبوون لە بە دادگایی گەیاندنی گەندەڵان و ئەوانەی لە کوشتنی خۆپیشاندەران تێوەگلاون.













باسنيوز