هەموو هەنگاوێكی لە بواری هونەریدا سەرەتا بە رۆڵێكی بچووك، یان لاوەكی دەستپێدەكات، بەڵام زۆر جار بەشێك لە ئەكتەرە لاوەكان سەرەڕای ئەوەی لە سەرەتای قۆناغی هونەریدا كەچی بە هۆی هەندێك هۆكارەكەوە وەك جوانی و ستایشی هەندێك لە هونەرمەندە ناسراوەكان هەر زو داوای رۆڵی سەرەكی دەكەن.
بارتینی شۆپرای ئەستێرەی ناسراوی بۆڵیۆد یەكێك لەو ئەكتەرانەی كە سەرەڕای ئەوەی سەركەوتنێكی بەرچاوی بەدەست نەهێناوە بەتایبەتی لە فررۆشتنی پلیتەكان كە بگاتە ئاستی ئەستێرەكان، بەڵام داوای رۆڵی سەرەكیی كردووە لە چەند كارێك كە پێشكەشی كراون.
لەم بارەیەوە سەرچاوەیەكی نزیك لە شۆپرا رایگەیاند كە تا ئێستا چەندین رۆڵی رەت كردۆتەوە، تەنیا لەبەر ئەوەی رۆڵی سەرەكیی پێ نەسپێردراوە، چونكە بەپێی سەرچاوەكە خاوەن توانایەكی هونەری زۆرە كە پاڵێوراو بێت بۆ بینینی رۆڵی سەرەكی و ئەو فیلمانەی كە پێشتر بەشداری تێدا كردووە، شایەدی ئەوەن.