هەرەشەی كوشتن لە سەنا شێخ دەكرێت
گرووپە ئیسلامییەكان تەنیا بە هەرەش كردن نەوەستان بەڵكو بە كافر و هەڵگەراوە لە ئایینی ئیسلام تۆمەتبار كرا، دوای دەركەوتنی لە زنجیرەكە كە ملوانكەیەكی هندۆسی لە مل كردبوو و خاڵێكی سووری لە نێوچەوانی خۆی كردبوو كە هێمایەكە بۆ شووكردنی كچ بەپێی ئایینی هندۆسی.
سەنا كە لەم زنجیرەیەدا رۆڵی كچێكی هندۆسی دەبینێت ئەم هەرەشەی و تۆمەتبار كردنی بە هەڵگەرانەوە لە ئایین رەت كردەوە و لەسەر پەیجی خۆی لە فەیسبوك لەم بارەیەوە نووسی بووی: ئەكتەر دەتوانێت رۆڵی هەر كەسایەتییەك ببینێت، لە هەمان كاتدا پارێزگاری لە ئایین و بڕوای خۆیشی بكات.
