ماڵپەڕی (Radar ON Line) چەند وێنەیەكی ئەستێرەی سینەمایی هۆڵیۆد براد پێتی هاوسەری خانمە ئەكتەر ئەنجلینا جۆلی بڵاوكردەوە لە میانەی وێنەگرتنی دوایین فیلمی خۆی كە بە ناوی (Allied) و خانمە ئەكتەر لیزی كاپلان رۆڵی پاڵەوانی لەگەڵدا دەبینێت و پێشبینی كرد ئەم پێوەندییە ببێتە ناپاكی هاوسەری.
لە زۆربەی وێنەكاندا براد لیزی ماچ دەكات و بەگوێرەی ماڵپەڕی ناوبراو ئەو ماچانەی لە چوارچێوەی سیناریۆی فیلمەكە نەبوون و بەپێی هەواڵی ماڵپەڕەكە ئەمە دەچێتە خانەی ناپاكی براد لە ئەنجلینا جۆلیی هاوسەریی كە لە ئێستادا باری تەندروستی خراپە و كێشی لەشی بەشێوەیەكی ترسناك دابەزیوە.
چەند سەرچاوەیەكی دیكەی نزیك لە فیلمەكە رایانگەیاند كە هەر لە سەرەتای دەستپێكردنی وێنەگرتنی فیلمەكە جۆرێك لە نزیك بوونەوە لەنێوان براد و لیزی هەستی پێدەكرا ئەمەش ئەو پێشبینییەی ماڵپەڕەكە راست دەكاتەوە، لەلایەكی دیكەوە چەند سەرچاوەیەكی رۆژنامەنووسی هەواڵی ئەوەیان بڵاوكردەوە كە پێوەندییەك لە نێوان براد و خانمە ئەكتەری فەرەنسی ماریۆن كۆتیاردا كە ئەویش یەكێك لە بەشداربووەكانی فیلمەكە.
ماڵپەڕەكە پرسیاری ئەوەی كردووە لە كاتێكدا ئەنجلینا جۆلی لە نێوان ژیان و مەرگدایە و باری تەندروستی زۆر خراپە، برادی هاوسەری تا چەند یارمەتیی دەدات بۆ ئەوەی لەم بارودۆخە رزگاری بێت؟