ئەنجلینا جولیی خانمە ئەكتەری ناسراوی هۆڵیۆد و باڵیۆزی نەتەوەیەكگرتووەكان بۆ كاروباری پەنابەران لە ناكاوی باری تەندروستی تێكچووە و چەند رۆژێك لە نەخۆشخانە كەوت، بەپێی سەرچاوە نزیكەكانی ئەنجلینا هۆكاری سەرەكی تێكچوونی باری تەندروستی ئەنجلینا بۆ دابەزاندنی بێ سنووری كێشی لەشی دەگەڕێتەوە.
لەم بارەیەوە ئاژانسی سپۆتینكی رووسی بۆ هەواڵ رایگەیاند كێشی لەشی ئەنجلینا گەیشتۆتە تەنیا (35) كیلۆگرام لە كاتێكدا باڵای (196) سانتیمەترە ئەمەش بۆ ئەوە دەگەڕێتەوە كە خۆی بەردەوام هەوڵیداوە كێشی لەشی دابەزێنێت و و زۆر جاریش لەگەڵ براد بێتی هاوسەری تووشی دەمەقاڵی بووە تە نانەت براد بە ئاشكرا هەڕەشەی تەڵاقدان و جیابوونەوەی لە ئەنجلینا كرد ئەگەر بەردەوام بێت ، بەڵام ئەو گوێی پێنەداوە و بەردەوام بووە لەسەر ئەو بەرنامەی بۆ خۆی داینابوو تاكو لە كۆتاییدا باری تەندروستی تێكچوو و تووشی چەندین گرفت بۆوە.
هەر لەم بارەیەوە بەر لە ماوەیەك چەند سەرچاوەیەكی هەواڵ بڵاویانكردەوە كە ئەنجلینا لە ماوەی شەش مانگی رابردوودا وەك جاران ئارەزووی خواردنی نەماوە، ئەم هەواڵەش بووە هۆی نیگەران بوونی جەماوەر و هەوادارانی بەتایبەتی دوای ئەوەی دەزگاكانی راگەیاندن چەند وێنەیەكیان بڵاوكردەوە لە چوارچێوەی كارەكانی رێكخراوی نەتەوەیەكگرتووەكان و سەردانی كردنی بۆ چەند كەمپێكی پەنابەرانی سوری لە یۆنان، لەم وێنانەدا بە ئاشكرا دیار بوو كە كێشی لەشی بەشێوەیەكی بەرچاو دابەزیوە ئەمەش نیگەرانییی جەماوەرەكەی زیاتر كرد و گەیشتە ئەو راددەیەی كە هەندێك كەس بە ئاشكرا بڵێن ئەنجلینا لە مردن نزیك بۆتەوە.