ئەكتەری ناسراوی كورد شوان عەتوف لەبەرهەمێكی نوێی خۆیدا شانۆگەریی (تەپڵ‌و بەرد) پێشكەش دەكات. شانۆگەریی (تەپڵ‌و بەرد) لەنواندن‌و دەرهێنانی هونەرمەند شوان عەتوف-ە‌و یەكەم رۆژی نمایشكردنی شانۆگەرییەكە سەعات 5ی ئێوارەی رۆژی 15ی نیسانی 2016 دەبێت لەهۆڵی كۆمەڵەی هونەرەجوانەكانی كورد-سلێمانی.
بینەران‌و عاشقانی شانۆ دەتوانن لەمڕۆوە لەبەردەم هۆڵی كۆمەڵەی هونەرەجوانەكانی كورد-سلێمانی كەدەكەوێتە تەنیشت نەخۆشخانەی ئیمرجنسی بلیت ببڕن.
وەك رێزلێنانێك بۆ نەبەردییەكانی پێشمەرگە‌و گەریلا‌و شەڕڤانان، تكتی بینینی شانۆگەرییەكە بۆ پێشمەرگە‌و گەریلا‌و شەڕڤانان بێبەرامبەرە.
شانۆگەریی (تەپڵ‌و بەرد) رۆژی 15/4/2016‌و رۆژانی دوایی لەهۆڵی كۆمەڵەی هونەرەجوانەكانی كورد-سلێمانی، تەنیشت نەخۆشخانەی ئیمرجنسی نمایش دەكرێت.
شوان عەتوف ئەكتەرێكی ناسراوی كوردە‌و جگە لەپێشكەشكردنی چەند شانۆگەرییەك، پاڵەوانێتی چەند فیلمێكی سینەمایی بەرجەستەكردووە‌و چەندین خەڵاتی نێوخۆیی‌و نێودەوڵەتی بەدەستهێناوە.