سەرەڕای ئەوەی دەگوترێت كە جگەرە و نێرگەلە كێشان دەبێـتە هۆی نەخۆشییە درێژخایەنەكان و كاریگەریی لەسەر تەندروستی مرۆڤ هەیە، كەچی ژمارەیەكی زۆر لە خەڵك واز لەو كارە ناهێنن و زەرەر بە تەندروستی و باری ماددیان دەگەیەنن، بۆیە سەیرترین حاڵەت لە بواری جگەرە و نێرگەلەكێشان ئەوەیە، كە كوڕێكی خەڵكی ئوردن، ئەوەندە خولیا وحەزی بە نێرگەلە بووە، تاوەكو لە رۆژی ئاهەنگی هاوسەرگیریشدا داوای نێرگەلەی كردووە، لە جیاتی ئەوەی دوو قسە لەگەڵ بووكێ بكات، كەچی خەریكی نێرگەلە كێشانەكەی خۆیەتی و ئەمەش بووە جێگەی سەرسوڕمانی ئامادەبووان.
