خانمان زۆر جار تووشی هەڵەی ماكیاژ یان چەندین جۆرە هەڵە و نەخۆشییەكانی پێست دەبن، ئەمەش كاتێك كار دەكاتە سەر جوانیی روخسار و شێوەی سرووشتی پێستیان، وەك دەركەوتنی پەڵە و بوونی رەشی لە دەوروبەری چاوەكان، كە بە رەشیی چاو ناسراوە، شێوەی وەك پەڵەیەكی ڕەشە لە ژێر چاو یان سەرەوەی یان دەوروپشتی چاو دەردەكەوێت، ئەمەش كە لەلایەن پسپۆرانی بواری جوانكاری كاریان كردووە بۆ ئامادەكردنی گیراوەیەك كە چارەسەری ئەو لایەنە دەكات، گیراوەكەش بەم شێوە و رێگەیە ئامادە دەكرێ :
هەنگاوی یەكەم : هەندێك ئاوی پاك بهێنە و گەرمی بكە، تاوەكو دەكوڵێت، دواتر ئاوەكە بخەرە ناو كیسەیەك كە ئاو هەڵبگرێت وەك نایلۆنێكی بەهێز، دواتر یەك كیسەی چا بخەرە ناو ئاوەكە و بۆ ماوەی (5) خولەك بمێنێتەوە.
هەنگاوی دووەم : كیسەكەی چا لەناو ئاوەكە دەربهێنە و بەبێ ئەوەی ئاوەكەی لەسەر بمێنێتەوە، بیخەرە ناو ئامێری ساردكەرەوە (سەلاجە) بۆ ماوەی (20-30) خولەك.
هەنگاوی سێیەم : كیسەكان بهێنە دەرەوە تاوەكو سارد دەبێتەوە، دواتر ئەو ئاوەی لەسەر كیسەكان هەیە، داوەشێنە و یان بە لۆكە ئاوەكەی لەسەرا وشك بكەرەوە، بەڵام باشترە هەندێك تەڕیی پێوە بمێنێت.
هەنگاوی چوارەم : لەسەر پشتت پاڵكەوە و دواتر ئەو كیسانە بهێنە و بیخەرە سەر چاوت و دڵنیابە لەوەی كە تەواوی چاوت دادەپۆشێت و بە پەنجەكانیش وابكە كە كیسەكە بە ژێرەوەی چاوت یان ئەو شوێنانە بكەوێت كە رەشیی گرتووە.
هەنگاوی پێنجەم : بۆ ماوەی (30) خولەك با كیسەكان لەسەر چاوت بن و پاشان دەم و چاوت بە ئاوێكی سارد بشۆ، هەندێك هەست بە گەورەبوونی ژێرەوەی چاوت دەكەیت، بەڵام شتێكی ئاساییە و هەوڵبدە هەفتانە (3) جار دووبارەی بكەیتەوە بۆ ماوەی مانگێك.