لە تۆمارێكی دەنگیدا، ئەیمەن زەواھیری، سەركردەی رێكخراوی ئەلقاعیدە، داوا لە سووننەكانی عێراق دەكات پەنا بۆ شەڕی پارتیزانی درێژخایەن ببەن.

زەواھیری ئەو داوایە لە سووننەكان دەكات بۆ ئەوەی بۆ درێژ مەودا و بەردەوامی بەرگری، بتوانن باشتر رووبەڕووی "داگیركاریی نوێی سەفەوی و خاچپەرستەكان" ببنەوە، وەك سەركردەی ئەلقاعیدە ناوی برد.

ھاوكات لە میانی قسەكانیدا، زەواھیری ھێرشێكی توندی كردە سەر ئەبوبەكر بەغدادی، سەركردەی داعش و بەوە تاوانباری كرد كە " دەرفەت و بیانووی لەناوبردنی سووننەكانی دایە دەست سەفەوییەكان و حكومەتە پاشكۆكەیان لە عێراق".

زەواھیری ھانی سووننەكان دا، تەنیا لەبەر ئەوەی شارۆچكەكان كەوتوونەتە دەستی سووپای سەفەوی شیعی، ورە بەرنەدەن و دەستبەرداری بەرەنگاری و شەڕ نەبن.

ھەروەھا داوای لەوانە كرد كە بە (پاڵەوانەكانی ئیسلام لە موجاھیدەكانی شام) ناوی بردن، ھاوكاری (براكانیان لە عێراق) بكەن و ئاماژەی بەوەكرد پێویستە بە یەكەوە رووبەڕووی " ھاوپەیمانیی خاچپەرستی و سەفەوی ببنەوە كە بە ھەماھەنگیی ئەمریكا و ئێران، دەیانەوێ ناوچەكە قووت بدەن