داواکاری گشتیی بڕیاری بەندکردنی بۆ 12 بەرپرس لە وەزارەتی پەروەردە دەركرد، بەتۆمەتی دزەپێکردنی پرسیاری ئەزموونەکانی ناوەندی....
بەپێی زانیارییەکان "بەندکردنی ئەو بەرپرسانەی وەزارەتی پەروەردە و فێرکردنی میسر بۆ ماوەی 15 رۆژ دەبێت، ئەمەش دوای ئەوەی بەڵگەی دزەپێکردنی پرسیاری تاقیکردنەوەکانیان بەسەردا ساخبووەوە".

سەرچاوەیەک لە دادگای ناوچە باشووری قاهیرە رایگەیاند:" ئەو بەرپرسانە تۆمەتی زیانگەیاندن بە بەرژوەندی گشتی و دزەپێکردنی پرسیاری تاقیکردنەوەکانیان دراوەتە پاڵ".

ئێستا ئەو پرسە لە میسر مشتومڕی ناوەتەوە و پەرلەمانی میسر تۆمەتی فەشەلی لەئەستۆگرتنی بەرپرسیارێتی وەزارەتەکەی خستە پاڵ هیلال شربینی، وەزیری پەروەردە و فێرکردن.

رۆژی دووشەممە 7-6-2016، ئەزموونەکانی قۆناخی ناوەندی لە میسر دەستیپێکرد و ئەو قۆناخەش لە میسر بە قۆناخێکی هەستیار دادەنرێت، ئەوە لەکاتێکدایە پرسی دزەپێکردنی پرسیاری تاقیکردنەوەکان چەند ساڵێکە لە میسر سەریهەڵداوە و بووەتە پرسێکی گەرمی نێو خەڵک.



روداو