ئەنجومەنی ئاسایش هێرش بۆ سەر باڵیۆزخانەی سعوودیە لە تاران ئیدانە دەكات
لە بەیاننامەیەكدا كە ئەنجومەنی ئاسایش لەم بارەوە بڵاوی كردووەتەوە، ئاماژە بە لەسێدارەدانی "شێخ نەمر" ناكات و داوای لە وڵاتی ئێران كردووە ناوەندە دیپلۆماتیكەكانی وڵاتانی بیانی بپارێزێت و رێزیان لێبگرێت.
پێشتریش "غوڵامعەلی خۆشڕوو" نوێنەری ئێران لە رێكخراوی نەتەوە یەكگرتووەكان لە نامەیەكدا بۆ "بان كی مۆن" سكرتێری گشتیی نەتەوە یەكگرتووەكان لەبارەی هێرش بۆ سەر باڵیۆزخانە و كونسووڵگەریی سعوودیە لە تاران و مەشهەد نیگەرانیی خۆی دەربڕیوە و ئاشكرای كردووە كە سزای ئەنجامدەرانی ئەو كارە دەدرێت.
پاش ئەو رووداوە سعوودیە رۆژی یەكشەممە سعوودیە پەیوەندییە دیپلۆماتیكەكانی خۆی لەگەڵ ئێران پچڕاند، هاوكات وڵاتانی بەحرێن و سوودانیش پشتگیرییان لە هەڵوێستەكەی سعوودیە گرت و پەیوەندیی سیاسیی خۆیان لەگەڵ ئێران كۆتایی پێهێنا.
لە بەیاننامەكەی ئەنجەمەنی ئاسایشدا هاتووە: "ئەندامانی ئەنجومەنی ئاسایش بە توندی هێرش بۆ سەر باڵیۆزخانە و سكونسووڵگەریی سعوودیە لە تاران و مەشهەد ئیدانە دەكەن كە بووەتە هۆی هێرش و پێشَلكاریی ناوەندی دیلپۆماسی و كونسووڵگەری و زەرەر و زیانی پێگەیەنراوە.
هاوكات بە دەربڕینی نیگەرانیی خۆی لەو رووداوە داوای لە ئێران كردووە رێز لە بنەما دیپلۆماتیكەكان بگرێت و پابەندی بەلێننامە نێودەوڵەتییەكان بێت.
لە بەشێكی دیكەدا داوایان لە هەردوو لایەن كردووە بە پاراستنی دیالۆگ و هەڵگرتنی هەنگاوی جیدی بۆ كەمكردنەوەی گرژییەكان هەوڵەكانیان بخەنە گەڕ.
لەلایەكی دیكەشەوە گوتەبێژی كۆشكی سپیی ئەمریكا لەبارەی لەسێدارەدان لە سعوودیە نیگەرانیی دەربرشیوە و بەتایبەت لەسێدارەدانی مەلایەكی شیعە كە بووەتە هۆی گرژی و ئاڵۆزیی زیاتر لە ناوچەكە.
بڕیارە سبەی چوارشممە كۆمكاری عەرەبی لەبارەی پرسی پەیوەندیی نێوان سعوودیە و ئێران كە ماوەی چوار رۆژە توندتر بووەتەوە كۆ ببێتەوە.
باسنيوز