هه‌ریه‌ك له‌ وه‌زیری ده‌ره‌وه‌ی ئه‌مریكا جۆن كیری و پاشای سعوودیه‌ شا سه‌لمان بن عه‌بدولعه‌زیز، له‌ ریازی پایته‌خت كۆبوونه‌وه‌. ئاژانسی هه‌واڵی سعوودی ناسراو به‌ سپا، بڵاوی كردووه‌ته‌وه‌ كه‌ كیری و شاندێكی یاوه‌ری، سه‌ردانی شا سه‌لمان-یان كردووه‌ له‌ ریازی پایته‌خت و كۆبوونه‌وه‌یه‌كی دووقۆڵیان ئه‌نجام داوه‌. به‌پێی ئه‌م هه‌واڵه‌، له‌ كۆبوونه‌وه‌كه‌دا باس چۆنیه‌تی پاراستنی ئیسرائیل له‌ هێرشه‌كانی فه‌ڵه‌ستین و پێشهاته‌كانی سووریا كراوه‌.

كیری له‌دوای چاوپێكه‌وتنه‌كه‌ له‌گه‌ڵ شازاده‌ی جێنشین و وه‌زیری ناوخۆ محه‌مه‌د بن نائیف بن عه‌بدولعه‌زیزدا كۆبووه‌ته‌وه‌.پێش به‌جێهێشتنی ئوردن، وه‌زیری ده‌ره‌وه‌ی ئه‌مریكا له‌ میانی لێدوانی بۆ رۆژنامه‌نووسان ئاماژه‌ی به‌وه‌دا كه‌ ئوردن و ئیسرائیل رێككه‌وتوون كه‌ له‌رێی كامێرای چاودێرییه‌وه‌ ٢٤ سه‌عات چاودێری حه‌وشه‌ی حه‌ره‌می شه‌ریف له‌ ئه‌قسا بكه‌ن، هاوكات ناتانیاهو ره‌زامه‌ند بووه‌ له‌سه‌ر ئه‌وه‌ی كه‌ رێگه‌ به‌ موسڵمانان بدرێت نوێژی خۆیان له‌ حه‌ره‌می شه‌ریف دا بكه‌ن و هاووڵاتیانی غه‌یره‌ موسڵمانیش ته‌نیا ده‌توانن سه‌ردانی بكه‌ن.