15 حوزه‌یران / یۆنیۆ (گوڵان میدیا)- بەپێی ڕاگەیەنراوێکی کۆشکی سپیی وڵاتە یەکگرتووەکانی ئەمەریکا، حکوومەتی سووریا چەکی کیمیاییی و گازی دژبە ئۆپۆزسیۆنەکەی بە کار هێناوە بە هۆیەوە نزیکەی 150 کەس بە هۆی بەکارهێنانی ئەو جۆرە چەکانەوە کوژراون؛ جەختیش دەکاتەوە، بەڵام هیچ بەڵگەیەک نایسەلمێنێت کە ئۆپۆزسیۆن لەو جۆرە چەکانەی بە کار هێنابێت.

لەلایەکی دیکەوە ئەمڕۆ هەینی، نوێنەرێکی باڵای ڕووسیا ڕایگەیان، ئەو زانیاریانەی کە هانی ئەمەریکای داوە پێی وا بێت لەلایەن حکوومەتی سووریاوە چەکی کیمیایی بە کار هێنرابێت، زانیاریی ناڕاستن، زیاتر گوتی \"بڵاوکردنەوەی ئەو زانیاریانەیش بە واتای ئاماژەیە بە نیازی وڵاتە یەکگرتووەکانی ئەمەریکا لە دەستتێوەردانی سەربازی لە سووریا.
سەرۆکی لیژنەی سیاسەتی دەرەوە لە ئەنجوومەنی نوێەرانی ڕووسیا، ئالێکس بەشکۆڤ، ڕوونی کردەوە \""ئەو زانیاریانەی کە ئاماژە بە بەکاربردنی چەکی کیمیایی دەدەن لەلایەن ڕژێمس سووریاوە، لەو شوێنەوە سەرچوەیان گرتووە کە بە درۆ بۆ سەددام حوسێنیش هەڵبەسترا لەبارەی چەکی کیمیاییەوە. ئۆیامایش ئەو ڕێگەیە دەگرێت کە جۆرج بووش گرتییەبەر.\""
دوو بەرپرسی ئەمەریکایی، گوتیان ، سەرۆکی ئەمەریکا، باراک ئۆباما، سوورە لەسەر ناردنی پێداویستی بۆ ئۆپۆزسیۆنی چەکداری سووریا، بەڵام کاتی ناردنی کۆمەک و پێداویستییەکانیان دیاری نەرک.
بین رۆدسی جێگری ڕاوێژکاری ئاسایشی نیشتمانیی سەرۆکی ئەمەریکایش ڕایگەیاند، ئۆباما بڕیاری داوە لە ڕووی سەربازییەوە و ڕاستەوخۆ پشتیوانیی ئۆپۆزسیۆنی سووریا بکات، بەڵام نەیەویست جۆر و چۆنیەتیی پشتیوانییەکە بدرکێنێت."