سهرۆكی چاودێرانی نهتهوه یهكگرتووهكان گهیشته سووریا
ژهنهڕاڵ رۆبهرت موود، سهبارهت به سهقامگیر كردنی ئاشتی له سووریا گوتی، تهنانهت ههزار چاودێری بێچهكیش بهس نییه بۆ كۆتایی هێنان به توندوتیژییهكان، بهڵكوو ئاشتی تهنیا له رێگهی هاوكاری و رێككهوتنی لایهنهكانی سووریاوه مسۆگهر دهبێت.
موود، وێڕای ئهوهی داوای له ههموو لایهنهكانی قهیرانی سووریا كرد دهست له توندوتیژی ههڵگرن، رایگهیاند له رۆژانی داهاتوودا 30 چاودێری دیكه دهگهنه سووریا و ژمارهی چاودێرهكان دهگاته 60 چاودێر. نهتهوه یهكگرتووهكان بهگشتی 300 چاودێر بۆ سووریا دهنێرێت.
هاوكات لهگهڵ گهیشتنی سهرۆكی چاودێرانی نهتهوه یهكگرتووهكان بۆ سووریا، شهڕ و تۆپبارانی شارهكان درێژهی ههبوو و به گوتهی سهرچاوهكانی ئۆپۆزسیۆن، دوێنێ لانیكهم 25 كهس بههۆی تهقهی هێزه ئهمنییهكانی رژێمی سووریا كوژراون و تۆپبارانی شارهكانی سووریا درێژهی ههبووه.
لهلایهكی دیكهوه سهرچاوهكانی سهر به رژێمی بهشار ئهسهد، هێزهكانی ئۆپۆزسیۆن به تیرۆریست ناو دهبهن و دهڵێن چهندین هێرشیان كردووهته سهر هێزهكانی سوپای رژێمی سووریا.