كومیته‌یا هه‌لبژارتنێن سه‌رۆكاتیا مسرێ بریار دا كاروبارێن خوه راوه‌ستینه
ئاژانسا شه‌رق ئه‌وسه‌ت یا نووچه‌ێن فه‌رمى ل مسرێ ل سه‌ر زمانێ به‌رپرسیاره‌كى ڤه‌گوهاست كو كومیتا نافهاتى كارێن خوه داله‌قاندنه پشتى كو ب هه‌زاران ئالیدارێن به‌ربژارێ سه‌رۆكاتیێ حازم سه‌لاح ئه‌بو ئیسماعیل ل هه‌مبه‌ر باره‌گه‌هێ كومیتێ هه‌ڤجه‌میانه‌ك پێكانى.
ل گور ئاژانسا نافهاتى، شێوه‌ردار حاتم بجاتو ئه‌میندارێ گشتیێ كومیتا هه‌لبژارتنێن سه‌رۆكاتیێ راگه‌هاندیه ئارمانجا ئالیدارێن ئه‌بو ئیسماعیل ئه‌وه په‌ستۆیان ل سه‌ر كومیتێ دورست بكن ژبۆ كو رێ ژ ره‌شڤه‌كرنا نافهاتى د لیستا به‌ربژاران ده بگرن ب سه‌ده‌ما ره‌گه‌زناما دایی یا وى كو هه‌لگرا ناسنامه‌یا ئه‌مه‌ریكى یه.
هه‌روه‌ها بجاتو خویاكر سه‌رۆكێ كومیتێ شێوه‌ردار فارووق سولتان و ئه‌ندمێن دى هه‌ست ب هه‌بوونا گه‌فێ كریه ل سه‌ر ژیانا وان كه‌سێن كو د ناڤ باره‌گه‌هێ كومیتێ ده‌نه.
