حكومه‌تى ئێران برِیاره‌كه‌ى ئه‌نجومه‌نى ئاسایشى نێوده‌وڵه‌تى رِه‌ت ده‌كاته‌وه‌ كه‌ سزاى زیاتر ده‌سه‌پێنێت به‌سه‌ر ئێراندا بۆ جارى چواره‌م، له‌كاتێكدا زۆرێك له‌ ولاَتانى رِۆژئاوا پێشوازیان له‌و برِیاره‌ كرد و ده‌نگیان بۆ دا، رِوسیا جه‌خت له‌وه‌ ده‌كاته‌وه‌ كه‌ ئه‌و برِیاره‌ رِێگه‌نادات به‌ هێرش كردنه‌ سه‌ر ئێران.

وه‌ك كاردانه‌وه‌یه‌كیش به‌رامبه‌ر به‌و برِیاره‌ "مه‌حمود ئه‌حمه‌دى نه‌ژاد" سه‌رۆكى ئێران رِایگه‌یاند:
ئه‌و برِیاره‌ هیچ نرخێكى نییه‌ و پێویسته‌ وه‌كو ده‌سته‌سرِێكى به‌كارهاتو بخرێته‌ ناو ته‌نه‌كه‌ى زبڵه‌وه‌.

له‌لای خۆشیه‌وه‌ حكومه‌تى ئێران ئاشكرایی كرد كه‌ سه‌پاندنى ئه‌و سزایه‌ به‌سه‌ر ئێران كارێكى هه‌ڵه‌یه‌ و چاره‌سه‌رى كێشه‌كه‌ ناكات به‌ڵكو به‌پێچه‌وانه‌وه‌ كێشه‌كه‌ ئاڵۆزتر ده‌كات.